Şêniyên Mexmûrê li dijî dîlgirtina endamên Şandeyê û li dijî ambargoya li ser Mexmûrê 3 rojin çalakiyê li dar dixin.
Şandeya Mexmûrê di 15ê Gulanê de piştî bi Wezîrê Dadê yê Iraqê re hevdîtin kir û şûnde, li bajarê Bexdeyê yê dîl hatin girtin. Şêniyên wargeha penaberan a Mexmûrê li dijî girtina şandeya Meclisa Gel a Mexmûrê heta benda kontrolê ya Iraqê meşiyan û li wir konê çalakiyê vedan. Çalakî 3 roj in didome.
Şandeyeke ji Meclisa Gel a Mexmûrê ku bi boneya mijara ambargoya Iraqê û pirsgirêkên Wargeha Mexmûrê niqaş bikin çûbûn Bexdayê, piştî hevdîtina bi Wezîrê Dadê re, dema ku vedigeriyan Wargehê hatin dîlgirtin. Ji 10ê Nîsanê ve hikumeta Iraqê rê nade ku xelkê wargehê derbasî bajarên Iraqê bibin, nahêlin kel û pelên jiyanî derbas bibin û destûr nadin ku nexweş biçin nexweşxaneyan. Di 15ê Gulanê de şêniyên Mexmûrê li dijî girtina şandeya meclîsê û zêdebûna zext û gefên hikûmeta Iraqê yên li hemberî şêniyên Mexmûrê heta benda kontrolê ya Iraqê meşiyan. Girseyê ji bo xwedîderketina li îradeya xwe, konê çalakiyê veda. Çalakî di roja 3yemîn de bi biryardarî didome.
Çalakvanên Mexmûrê diyar dikin ku heta endamên şandeyê neyên berdan û riyên çûnhatinê neyên vekirin wê çalakiya xwe bidomînin.
