HSDê bi beşdariya YPJê operasyoneke ewlehiyê li gundewarê rojhilatê Dêrazorê pêk anî. Di encamê de hejmarek çeteyên şaneyên DAIŞê hatin girtin.
Navenda Ragihandinê ya HSDê derbarê operasyonên li dijî şaneyên çeteyên DAIŞê, daxuyaniyek weşand.
Di daxuyaniyê de ev agahî hatin parvekirin “Hêzên Komandos ên HSDê bi beşdariya Yekîneyên Parastina Jin (YPJ) operasyonên li dijî bermahiyên şaneyên rêxistina DAIŞ a terorîst diomînin. Hêzên Komandos û YPJê di çarçoveya xebatên xwe de, 16ê Gulanê operasyoneke ewlehiyê li bajarokê Bisêra yê gundewarê rojhilatê Dêrazorê lidar xist.
Operasyon piştî şopandin, komkirina agahiyên zelal û têrker li ser endamên şaneyan û diyarkirina cihên wan û kiryarên terorî ku pêk anîn hat lidarxistin. Piştî tespîtkirina cihên şaneyê, hêzên me derdora cih girt û tevahî endamên şaneyê girtin ku plana pêkanîna kiryarên terorî yên li dijî HSD, Hêzên Ewlekariyê, sivîl û saziyên giştî yên xizmetan de dikirin.”
Di daxuyaniyê de hate gotin ku HSDê dê ewlehiya û aştiya navxweyî biparêze û nehêle herêm bibe qada teror û tevliheviyê.
