Di çarçoveya bernameyên Cejna Zimanê Kurdî de, dê di 2-3yê Hezîrana 2025an de, ji bo zimanê Kurdî bi dirûşma ‘Statuya Kurdî, Perwerdehiya Bi Kurdî’ li Wan û Bazîdê bernameyeke taybet bê lidarxistin.
Saziyên zimanê Kurdî, partî û rêxistinên Kurdan îsal di 3yê Gulanê de bi deklerasyonekî dest bi xebat û şahiyên ji bo Cejna Zimanê Kurdî kiribûn. Deklerasyon bi dirûşma ‘ Satatuya Kurdî Perwerdehiya Bi Kurdî’ hatibû aşkerekirin. Ji wê rojê ve heta niha Cejna Zimanê Kurdî li gelek bajarên bakûrê Kurdistanê û Tirkiyeyê bi bernameyên dewlemend tê pîrozkirin.
Li serhedê xebatên ji bo ziman
Di çarçoveya bernameyên Cejna Zimanê Kurdî de, dê di 2-3yê Hezîrana 2025an de, ji bo zimanê Kurdî bi dirûşma ‘Statuya Kurdî, Perwerdehiya Bi Kurdî’ bernameyeke taybet bê lidarxistin. Bernameya ewilî ya ku ji konvoy, meş, şahî û daxuyaniyê pêk were, dê di 2yê hezîranê ji navenda bajarê Wanê ber bi navçeyên Bêgir û Ebexê (Çaldêran) ve bê lidarxistin.
Dê gora Ehmedê Xanê bê ziyaretkirin
Wek berdewama bernameya yekem, bernameya duyem a konvoy, meş, şahî û daxuyaniyê, dê 3yê hezîranê, ber bi navenda Bazîdê, ji wir jî ber bi Goristana Ehmedê Xanî ve bê lidarxistin. Bername dê bi beşdarbûna gel, hevserok, hevşaredar, parlementer, DEM Partî, DBP, gelek saziyên zimanê Kurdî û saziyên demokratîk ên ji bajarên cuda pêk bê.
