Li Amedê 2 pirtûkxaneyên bi navê Sîma Semend û Erebê Şemo ji aliyê Şaredariya Bajarê Mezin a Amedê û Şaredariya Rezanê ve hatin vekirin.
Şaredariya Bajarê Mezin a Amedê û Şaredariya Rezan, di çarçoveya projeya “Ji her taxekê re pirtûkxaneyek” de li taxa Selahaddîn Eyyubî ya navçeya Rezanê Pirtûkxaneya Sîma Semend û li taxa Yenîkoyê jî Pirtûkxaneya Erebê Şemo vekirin. Hevşardarên Bajarê Mezin ên Amedê Serra Bucak û Dogan Hatun, hevşaredarên Rezanê Leyla Ayaz û Sîraç Çelîk û gelek kes tev li merasîmên vikirinê bûn.
Pirtûkxaneya Sîma Semend hate vekirin
Hevşaredarê Rezanê Siraç Çelik di merasîma vekirinê de axivî. Hevşaredar Çelîk sozên ku di pêvajoya hilbijartinê de danre gel bi hîr xist û wiha got: Wê xebatên me bidomin. Armanca me ew e ku ciwanên me xwe, çanda xwe nas bikin û wê rêya me ronî bikin. Em ê di vê çarçoveyê de xebata xwe bidomînin. Ev ji bo me pir girîng e.”
‘Em ê hejmara pirtûkxaneyan zêde bikin’
Hevşaredara Bajarê Mezin Serra Bucak jî ev tişt anî ziman: “Em ê li taxên xwe hejmara pirtûkxaneyan, Navendên Jiyana Jinan û navendên xwendinê zêdetir bikin. Em di çarçoveya projeya ‘Ji her taxekê re pirtûkxaneyek’ pirtûkxaneyên yekem vedikin. Bila ser xêrê be.”
Piştî axaftinan, pirtûkxane hate vekirin.
Pirtûkxaneya Erebê Şemo hate vekirin
Hevşaredara Rezanê Leyla Ayaz di merasîma vekirina Pirtûkxaneya Erebê Şemo de axivî. Hevşaredar Ayaz anî ziman ku li Rezanê 8 projeyên wan ên pirtûkxaneyan hene û wiha got: Em ê li her taxê qadên ku ciwan dikarin biçinê ava bikin. Bila ji bo gelê me pîroz be.”
Hevşaredarê Bajarê Mezin ê Amed Dogan Hatun diyar kir ku ji ber vekirina pirtûkxaneyan bi kelecan in û wiha domand: “Ev pirtûkxane dê rêya Erebê Şemo yên nû veke. Em hêvî dikin ku ev pirtûkxane dê xizmeta pêşxistina zimanê me yê zikmakî û pêşeroja me bike.”
Piştî axaftinan, bi tevlêbûna ciwanan Pirtûkxaneya Erebê Şemo hate vekirin.
