Platforma Têkoşîna Li Dijî Hişbirê ya Şiyar Be bi dirûşma “Em tarîtiyê ronî dikin” ji xaçerêya taxa Yûnûsê heta Parka Koşûyolûyê ya Rezanê meşiya.
Li Kurdistanê dijî zedebûna maddeyên hişbiri sazî û welatî di nava têkoşînê de ne. Li Amedê ji bo vê Platforma Têkoşîna Li Dijî Hişbirê ya Şiyar Be hat avakirin. Paltform li her qadê xebatan dimeşîne.Platforma Têkoşîna Li Dijî Hişbirê ya Şiyar Be bi dirûşma “Em tarîtiyê ronî dikin” ji xaçerêya taxa Yûnûsê heta Parka Koşûyolûyê ya Rezanê ya Amedê çalakî li dar xist. Endam û rêveberên platformê, hevserokên Partiya Heremên Demokratîk (DBP) û Partiya Wekhevî û Demokrasiyê ya Gelan (DEM Partî) yên Amedê, nûnerên saziyên civakî û gelek welatî tev li meşê bûn.
Girse dema ku meşiya belavok belavkirin û dirûşmên “Ne maddeyên hişbirê jiyanê hembûz bike” berz kirin.
Piştî meşê Hevberdevkê Platforma Şiyar Be Murat Kan axivî. Murat Kan diyar kir ku maddeyên hişbire polîtîkayên desthilatdariyê ye û wiha axivî: “Mijara maddeyên hişbirê ji bo me gelek girîng e. 3 roj in me li vir konê vedaye. Em ê li vir bi gel re werin ba hev. Ev xwesteka me ya sereke ye. Platforma Şiyar Be dê têkoşîna xwe berdewam bike. Heta em civaka demokartîk ava bikin dê xebatên xwe bidomin.”
Paşê Hevşaredara Rezanê Leyla Ayaz axivî û diyar kir ku bikaranîna maddeyên hişbirê pirsgirêka sereke ye û wiha axivî: “Li gorî anketa me, temenê kesên ku maddeyên hişbirê bikartînin daketiye 7 salî. Divê em hemû xwe berpirsiyar bibînin û peywira xwe bi cih bînin. “
Hevşaredarê Erxaniyê Şiyar Guldîken jî di çalakiyê de axivî û dazanîn ku ev platformek gelek pîroz e û wiha got: “Dema em erdnigariya li Kurdistanê dinerin di nava civakê de rizandin heye. Divê em civakê ji nû ve avabikin. Erîş ne tenê li ser ciwanan, li ser tevahiya civakê heye. Divê em li gorî vê tev bigerin. Pergal bizanebûn erîşî civanan dike. Li dijî vê em dibêjin ciwan pêşeroja me ne.”
Meş piştî axaftinan çalakî bi dawî bû.
