Kişandina fîlma bi navê ‘Analogue’ dest pê kir. Fîlm ji bo bîranîna rojnamevanên azad Nazim Daştan û Cîhan Bîlgîn tê kişandin. Fragmana fîlm ket weşanê.
Kişandina fîlma ‘Analog’ ku çavdêriyeke 12 salên dawîn a li Rojava ye, dest pê kir. Fîlm diyarî bîranîna rojnamevanên şehîdên çapemeniyê Nazim Daştan û Cîhan Bîlgîn hate kirin. Derhêneriya fîlmê Selîm Yildiz û çêkiriya wê jî rojnamevan Enes Yildiz dike. Derhêner Selîm Yildiz diyar kir ku fîlmê, ji bo bîranîna rojnamevanên ku di dema şopandina pêvajoya şer de canê xwe feda kiriye çêdikin û wiha got: “Di vê projeyê de cihgirtina min ji bo min peywirek bû. Fîlm dê ji bo bîranîna hevalên me yên rojnamevan ên di pêvajoya şopandina şer a li Rojava de jiyana xwe ji dest daye, bê çêkirin. Em ê fînala fîlmê bi Berxwedana Tişrînê bi dawî bikin. Di vê fîlmê de qala berxwedana dîrokî ya gelê Kurd, her wiha têkoşîna li Rojava tê kirin. Bi kurtasî, fîlma Analogue, dibe çîroka her kesî.”
Fragmana fîlm ket weşanê.
