Di êrişên 3 rojan ên Tirkiyeyê de yên li ser Herêma Bakur û Rojhilatê Sûriyeyê de 31 sivîl hatin kuştin û 12 jî birîndar bûn.
Heyet Tehrîr El Şam di 27ê Mijdarê îsal de êriş li dijî rejîma Baasê da destpêkirin. Bi van êrişan re dewleta Tirk û çeteyên xwe dispêrin yên wekî Ceyş El Wetenî êrişên xwe li ser herêmên Bakur û Rojhilatê Sûriyeyê zêdetir kirin û gelek komkujî kirin. Li gorî daneyên di navbera 8-10ê kanûnê de di encama êrîşên Tirkiyeyê yên li dijî Herêma Bakur û Rojhilatê Sûriyeyê de pêk hatin komkujî pêk hatin. Di encama van êrişan de jin û zarok jî di nav de 31 sivîl şehîd bûn û 12 kes birîndar bûn. Her wiha 45 leşkerên ji rejîma berê ya Sûriyeyê vekişiyan, dema vedigeriyan malên xwe di êrişên dewleta Tirk de hatin kuştin û hîna jî aqûbeta 15 leşkerên din nayê zanîn.
Leşkerên Tirk û komên çekdar ên girêdayî wê di 8ê kanûnê li kantona Firatê seyareya endamên Hêzên Ewlekariya Hundirîn kir hedef. Di êrişê de 3 endamên Hêzên Ewlekariya Hundirîn bi navê Suhêl Bekê, Hesen Nesan û Mihemed Emîn Hemo ku di erebeyê de jiyana xwe ji dest dan. Di 10ê Kanûnê dagirkeran gundê Ceda yê mezin ê li başûrê rojavayê bajarê Kobanê (Nêzî Pira Qereqozaqê) bombebaran kir. Di encamê de welatiyê bi navê Ebdullah Mehmûd Şêx Elî (25), Ebdullah Mehmûd Şêx Elî (12) û du zarokên din jiyana xwe ji dest dan. Di heman rojê de gundê Eftar ê başûrê rojavayê bajarê Kobanê topbaran kir. Di encamê de du zarokên bira Mezlûm û Yûsif Ebdulqadir Îsmaîl jiyana xwe ji dest dan. Di 10ê kanûnê balafireke bê mirov a dagirker li ser rêya Bendava Tişrînê û bajarokê Sirînê ambulansa veguhestina birîndaran bombebaran kir. Di bombebaranê de welatiyê bi navê Kurdo Necdet Bozî û birîndarek din şehîd bûn, her wiha welatiyek û hemşîreyek bi girîndar bûn.
Di 11ê kanûnê dewleta Tirk a dagirker û çeteyên wê Pira Qereqozaqê bombebaran kir. Di endamê de jina bi navê Zahîre Kûsa (60) bû û neviyekê wê yê 8 sal birîndar bû. 8ê kanûnê balafireke bê mirov a bi çek a dewleta Tirk a dagirker li gundê Misterîha yê bajarê Eyn Îsa bombebaran kir û komkujiyek kir. Di encamê de jê 6 zarok ji malbatekê 12 kesan jiyana xwe ji dest dan.
Di 10ê kanûnê de Tirkiyeyê bi balafira bê mirov a bi çek gundê Sifeya yê rojavayê bajarê Eyn Îsayê bombebaran kir. Di encamê de di nav de jin û zarok jin û 8 kes hatin kuştin. Navên şehîdan wiha ne: Xelîl Silêman, Wedah Silêman, Mihemed El Abo, Ebdulkerîm El Abo, Delal Silêman, Nadiya Silêman, tevî her du zarokan Casim û Husam Silêman.
Di 8ê Kanûnê de dema leşkerên Sûriyeyî bi awayekî komî ji gundewarê rojavayê herêma Eyn Îsayê vedikişiyan ji hêla balafirên bêmirov ên Tirkiyeyê li gundê Misterîha yê ku 20 kîlometre dikeve rojavayê Eyn Îsayê hatin hedefkirin. Di encamê de 45 leşkeran jiyana xwe ji dest dane û 15 din jî winda ne.
Êrîşên li dijî Kantona Cizîrê
Di 11ê Kanûnê de Tirkiyeyê û komên girêdayî wê gundê Til Cuma yê bajarê Til Temirê topbaran kir. Di encama topbaranê de welatiyek birîndar bûn. Di heman rojê de jî gundê Hermel û Mihermele jî hat topbarankirin. Welatiyê bi navê Hesen Hesen şehîd bû û du welatiyên din jî birîndar bûn.
Dagirkeran li ser rêya di navbera Zirgan û Serêkaniyê de erebeyek bombebebaran kir. Di endamê de 3 welatî bi giranî birîndar bûn.
