Parlamentera DEM Partiyê Newroz Uysal Aslan li ber avahiya Şaredariya Silopiyayê axivî û got: “Sedama biryara Jiyan Ormanli nenaskirina pîvanên partiyê bû. Bila gelê me jî baş bizanibe ev biryar parastina nirxên wan e.”
Hevşaredara Silopiya Jiyan Ormanli ji aliyê Lijneya Rêveberiyên Xwecihî ya Denokratîk a DEM Partiyê di 2yê Tîrmehê de bi daxwaza îxracê sewqî Lijneya Disiplînê ya DEM Partiyê hate kirin. DEM Partiyê ji bo ku Jiyan Ormanli ji serokatiya şaredariyê îstîfa bike daxuyanî da. Rêveberên DBPê û DEM Partiyê yên Şirnex û navçeyên wê, parlamentera DEM Partiyê ya Şirnexê Newroz Uysal Aslan û gelek kes tevlî daxuyaniyê bûn. Kom ji ber deriyê avahiya DEM Partiyê ya Silopiyayê heta ber şeredariyê meşiyan. Di meşê de pankarta, “Jiyan Ormanli îstîfa” dinivisî hilgirtin û bênavber dirûşmeyên, “Jiyan îstîfa” û “Şeredarî ya gel e” berz kirin.
‘Divê îradeya gel dîsa bide gel’
Li ber deriyê Şeredariyê Newroz Uysal Aslan axivî. Newroz Uysal Aslan anî ziman ku Jiyan Ormanli li gor pîvanên partiyê tev negeriyaye û got: “Me weke DEM Partî di nav hemû qrîz û aloziyan de paradigmaya moderniteya demokratîk pêşkeş kir. Ev destkeftî ji parlamentoyê heta şereradariyan destkeftiyên li ser keda vî gelî hatine avakirinê ne. Pîvanên me hene. Di şaxsê Jiyan Ormanli de ew nirx hatine binpêkirin. Sedema biryarê nenaskirina hevserokatiyê ye. Ev pergal bi berdelan hatiye demezirandin. Yên ku serî li partiya me dide pîvanan qebûl dike û wisa tê hilbijartin. Kesên pîvanên hevserokatiyê nas nake pîvanên gel ^jî nas nake. Ev ne li gorî partiya me ye. Ev pîvanên parastina azadiya destkeftiyên jinan e. Divê gelê me ji bizanibe ku ew biryar parastina nirxên wan e. Em dixwazin ev kes îradeya vî gelî dîsa bide gel û îstîfa bike.”
Piştî axaftinên gel li ber deriyê şeredariyê bi dirûşmeyan çalakiya xwe domandin.
Encumenan çalakiya protestoyê li dar xist
Li aliyê din piştî daxwaza îxracê, îro endamên Meclisa Şaredariyê tev li civîna fermî nebûn û xwestin Jiyan Ormanli ji wezîfeya xwe îstîfa bike. Encumenan dirûşma “Jiyan îstîfa” berz kirin û di hundirê şaredariyê de meşiyan. Ev 5 roj in ku encumen tev li civînê nabin.
