Serokkomarê AKPyî Tayyîp Erdogan diyar kir ku wî bi Heyeta DEM Partiyê ya Îmraliyê re hevdîtineke jidil kiriye û got: “Di rojên pêş de em derbasî qonaxa ku agahiyên erênî bigirin dibin.”
Serokkomarê AKPyî Tayyîp Erdogan di civîna koma partiya xwe ya heftane de li Meclisê axivî û mijarên di rojevê de nirxand. Erdogan diyar kir ku bi endamên Heyeta DEM Partiyê ya Îmraliyê Pervîn Buldan û Mîthat Sancar re hevdîtinek “baş û erênî” pêk aniye û got: “Em derbasî qonaxa ku di rojên pêş de agahiyên erênî bigirin dibin. Pêvajoya Tirkiyeya bêteror bêyî ku qezayeke rêyê tê de çêbibe, bêyî ku firsend were dayin ku derdorên qirêjî sabote bikin, em hêvîdarin bi serkeftî biencam bibe.”
