35 partî û hêzên siyasî li Bakur û Rojhilatê Sûriyeyê daxuyaniyên nûnerê serokê Amerîkayê ji bo Sûriyeyê Thomas Barrack red kirin û gotin: “Divê dan û standinên di navbera tevahî aliyan de pêk bê û Sûriyeyek demokratîk were avakirin.”
35 partî û hêzên siyasî yên li bajar û deverên Bakur û Rojhilatê Sûriyeyê çalak in, bi daxuyaniyekê daxuyaniyên dawîn ên nûnerê serokê Amerîkayê yê ji bo Sûriyeyê Thomas Barrack red kirin.
Hêzên siyasî fikarên xwe li hember daxuyaniyên dawîn ên nûnerê Amerîkayê ji bo Sûriyeyê Thomas Barrack nîşan dan û ev tişt anî ziman: “Daxuyaniyên Barrack li dijî rola wî weke navbeynkarê nêzîkirina nêrînan e û li dijî rola erênî ya Dewletên Yekbûyî yên Amerîkayê (DYA) ku hewl dide ewlehî û îstîqrarê li Sûriyeyê misoger bike, ye.”
Hêz û partiyan ev daxuyanî red kirin û ev tişt diyar kir: “Em dibînin ev daxuyanî me vedigerînin çargoşeya yekemîn ji cewhera krîza Sûriyeyê û sedemên destpêkirina şoreşgera gelê Sûriyeyê ya 2011ˊan. Di wê demê de gel li dijî rejîma Baasˊê serî hilda, banga azadî û rûmetê, avakirina dewleteke pirrengî û nenavendî kir.”
Di daxuyaniyê de hat destnîşankirin ku pêkhateyên herêmên Bakur û Rojhilatê Sûriyeyê ev çend sal e hewl didin modeleke rêveberî ya li ser bingeha Rêveberiya Xweseriya Demokratîk ava bikin û hate gotin vê modelê ewlehî û îstîqrar ji milyonan Ereb, Kurd, Suryan, Asûrî, Tirkmen, misliman, xiristiyan û êzidî re dabîn kir û saziyên sivîl a temsîla vîna gelên herêmê dike û hêzeke leşkerî ya HSDê ji bo têkoşîna dijî terorê û parastina nirxên mirovahiyê bike, ava kir û ev hêz bi Koalîsyona Navneteweyî re li dijî terorê tê dikoşe.
Di daxuyaniyê de bal li ser peymana 10ˊê Adarê ya di navbera Fermandarê Giştî yê QSDˊê Mazlûm Ebdî û serokê hikumeta veguhêz a Sûriyeyê Ehmed El Şeri de hat kişandin û hat diyarkirin ku divê çareyeke siyasî ya giştî bi rêya dan û standinên di navbera tevahî aliyan de pêk bê û Sûriyeyek demokratîk were avakirin.
Hêzên siyasî da zanîn ku ev peyam bi girseyî hat pêşwazîkirin û aliyên herêmî û navneteweyî pişgtirî danê. Ji ber ku ev gaveke girîng e, ber bi jinûve avakirina Sûriyeyê li ser bingehên hevkarî, pirrengî, edalet û nenavendîbûnê.
Hêz û partiyan di daxuyaniya xwe de piştgirî da şandeya nûnerên Bakur û Rojhilatê Sûriyeyê û anî ziman ku ev şande vîna civakê ye, mafên tevahî Sûriyeyiyan û modela Rêveberiya Xweser wek beşek ji siberoja Sûriyeya nû, diparêze.
Di dawiyê de hêzên siyasî gotin her sekeftina her proseyeke dan û stadinê bi xwespartina rêgeza hevkariya rastîn û rêzgirtina taybetmendiyên her du aliyan ne, ji lew re divê siberoja Sûriyeyê bi destê Sûriyeyiyan tevahî be û li ser bingeha naskirin, edalet û hevkariyê be.
Partî û hêzên li ser vê daxuyaniyê îmze kirine ev in:
1-Partiya Yekitiya Demokratîk (PYD)
2-Partiya Kesk a Demokrat
3-Partiya Aştiya Demokratîk a Kurdistanê
4-Partiya Lîberal a Kurd li Sûriyeyê
5-Partiya Komunîst a Kurdistanê
6- Partî Demuqratî Kurdistanî-Sûrî
7-Partiya Demokrat a Kurdî ya Sûriye
8- Partiya Çep a Kurd li Sûriyê
9- Partiya Çep a Demokrat a Kurd li Sûriyê
10-Partiya Sûriyeya Pêşerojê
11- Partiya Guhertina Demoqrat a Kurdistanê
12- Tevgera Nûjen a Kurdistanê-Sûriya
13- Yekitiya Karkerên Kurdistanê (YKK)
14-Heye El Weteniye El Erebiya (Desteya Nîştimanî ya Erebî).
15-Partiya Nûjen û Demokratîk a Sûriyeyê
16- Partiya Rêkeftina Demokrat a Kurdî li Sûriyê
17-Partiya Çaksazîyê-Sûriye
18-Partiya Asûrî ya Demokrat
19- Partiya Biratî ya Kurdistanê (PBK)
20- Partiya Roj a Demokratîk li Sûriyê
21-Tevgera Civaka Demokratîk (TEV-DEM)
22-Kongra Star
23-Partiya Muhafizkaran
24-Partiya Têkoşîna Demokrat
25- Şepêla Pêşeroj a Kurdistanê
26-Partiya Demokrat a Kurdistanê-Rojavayê Kurdistanê
27-Partiya Guhertina Demokratîk
28-Partiya Yekitiya Suranî
29-Partiya Kombûna Nîştimanî ya Kurdistanê
30-Kongreya Neteweyî ya Kurdistanê (KNK)
31-Partiya Yekitiya Demokrat a Kurdî li Sûriye (Yekitî)
32-Tevgera Çepir a Şoreşgerî li Sûriyeyî
33-Partiya Sûraya ya Demokrat
34-Partiya El Weten El Sûrî
35-Partiya Sûriya
