Fermandarê Giştî yê HSDê Mezlûm Ebdî diyar kir ku hawara xelkê Siwêdayê ji bo ku bên parastin û êrîşên li dijî wan rawestin gihaştine wan.
Fermandarê Giştî yê Hêzên Sûriya Demokratîk (HSD) Mazlûm Ebdî têkildarî pevçûnên li Siwêdayê li hesabê xwe yê Xê parve kir. Mazlûn diyar kir ku divê êrîşên li dijî sivîlan li Siwêdayê demildest rawestin. Ebdî ji bo koçberan jî, bang kir ku korîdorên bi ewle bên vekirin û di heman demê de kuştina jin û zarokan û wêrankirina perestgehên olî sûcên dijmirovî ne û divê ev kirinên tundirew werin rawestandin û berpirsên wan werin darizandin.
Ebdî anî ziman ku hawara xelkê Siwêdayê ji bo ku bên parastin û êrîşên li dijî wan rawestin gihaştine wan. Ebdî destnîşan kir ku piştî 14 sal şer, divê mentiqê heyfhilanînê were derbaskirin, zimanê diyalogê û aqilmendiyê serwer be.
Ebdî wia domand: “Dem hatiye rijandina xwînê raweste. Sûriye bi heyfhilanînê lê belê bi diyalogê û aqilmendiyê ava dibe.”
Ebdî di dawiyê de got doza xelkê Durzî dozeke niştîmanî ye û çareserkirina wê divê bi rengekî destûrî û diyalogê be.
