Girtiyê siyasî Omer Cuma Salih ê ku li Girtîgeha Hejmar 2 a bi Ewlekariya Bilind a Xarpêtê tê ragirtin, diyar kir ku gardiyanan êrîşi wî kiriye û îşkence lê kirine.
Girtiyê syiasî Omer Cuma Salih ê ku li Girtîgeha Hejmar 2 a bi Ewlekariya Bilind a Xarpêtê tê ragirtin, di 14ê Tîrmehê di hevdîtina bi parêzerên xwe re ragihand ku ji aliyê gardiyanan ve hatiye derbkirin. Girtî Omer Cuma Salîh ku ji bajarê Helebê ye, anî ziman ku di dema lêgerînê de rastî tundiyê hatiye û got: “Gardiyanan bi daran li ling û milê min dan. Milê min badan. Min bi saetan tenê xistin qawişêk.”
Zext dudome
Salih, diyar kir ku li girtîgehê binpêkirin didomin û lêgerînên li qawişan zêde bûne, bi şev digrin ser qawişan û kelûpelên me tên belavkirin. Salih, rave kir ku daxwaza girtiyan bi îdareya girtîgehê jî tê redkirin.
Mehmet Mîraç Dînç ê ku bi Salih re heman girtîgehê tê ragirtin jî bi rêya telefonê bi malbatê re axivî û tundî piştrast kir. Mehmet Mîrac Dînç, daxwaza bidawîkirina binpêkirinan kir.
Hat diyarkirin ku parêzer dê li dijî tundiyê serêlêdana sûc bikin.
