Li Mêrdînê di serdagirtina ser malan de 4 ciwanên ku wêneyên Abdullah Ocalan û gerîlayan parve kirin hatin binçavkirin, piştî îfadeyê hatin berdan.
Li Mêrdînê polîsan danê sibehê bi ser malan de girtin û ciwanên bi navê E.T., Y.Y., S.D. û O.Ç. binçav kirin. Di çarçoveya lêpirsîna serdozgeriya Komarê ya Mêrdînê de, ciwanên hatin binçavkirin bi “propagandaya rêxistinê” hatin tawanbarkirin. Ciwanên ku polîsan ew birin Şaxa TEM’ê ya Midûriyeta Polîsan a Mêrdînê, îfadeya wan hat girtin û paşê sewqî dozgeriyê hatin kirin.
Hat hînkirin ku ciwan ji ber parvekirinên xwe yên li ser medyaya dîjîtal bi “propagandaya rêxistinê” hatin tawanbarkirin. Di lêpirsînê de wêneyên 12’emîn Kongreya PKK’ê û Rêberê Gelê Kurd Abdullah Ocalan hatin pirsin.
Her çar ciwan piştî lêpirsîna li dozgeriyê serbest hatin berdan.
