Li herêmên Hewraman û Merîwanê yên Rojhilat, hêzên rejîma Îranê êrişî kolberan kir, yek mir û 3 jî birîndar bûn.
Li gorî Tora Mafê Mirovan ya Kurdistanê di 24ê Tîrmehê de du kolberên bi navê Danyal Selahî (24) yê xelkê gundê Duplure ya ser bi bajarê Merîwan û Resul Fethî, li sînorê Merîwanê yê rojhilatê Kurdistanê, di encama êrişa hêzên Îranê de birîndar bûne.
Hate gotin ku kolber Danyal Salihî ji her du lingên xwe bi giranî birîndar bûye û rewşa wî ya tenduristiyê ne başe. Li gorî heman çavkaniyê, di 23yê Tîrmehê de jî li navçeya Selawa ya Hewramanê, di encama êrişa hêzên Îranê de kolberê Kurd yê bi navê Emîn Gerdî (40) yê xelkê gundê Kanî Temerxan ê girêdayî Merîwanê jiyana xwe ji dest daye. Hate gotin ku Emîn Gerdî bavê zarokekê bû.
Di heman rojê de kolberê Kurd yê bi navê Eta (23) yê xelkê Hewraman jî di encama êrişa hêzên Îranê de li herêmê Jalane ya ser bi Merîwanê, birîndar bûye.
