Li Nîjeryayê di keştiya li herêma Shiroro de, 25 kes di deryayê de xeniqîn û mirin. Li gorî Rêxistina Koçberiyê ya Navneteweyî di 10 salên dawî de zêdetirî 72 hizar mirov di rêwîtiya koçberiyê de jiyana xwe ji dest dane.
Ji ber qezaya keştiyê ya li herêma Shiroro ya girêdayî eyaleta Nîger a Nîjeryayê, herî kêm 25 kes mirin. Kesên ku ji herêma Munya ya eyaleta Nîger a Nîjeryayê diçûn bazarê, li keştiyê siwar bûn û keştiya wan li herêma Shiroro noqî avê bû. Di qezayê de herî kêm 25 kes jiyana xwe ji dest dan, bi dehan kes winda bûn. Li gorî nûçeya çapemeniya herêmî, keştiya ku rêwiyên ji gundê Gunî yê herêma Munya ji bo biçin bazara heftane ya li Zumbayê dihilgirt, li nîva çem li darekî ket û alabora bû.
Rêveberê herêmî yê Zumbayê Sarkin Ruwa Umar Isah ragihand ku ji kesên jiyana xwe ji dest dane 10 kes ji malbatekî, 5 jî ji malbatekî ne.
Nayê zanîn ku çend kes di keştiyê de bûn, xebatên lêgerîn û rizgarkirinê didomin.
Di 10 salên dawî de, 37 hezar û 816 mirov di deryayê de noqî avê bûne û xeniqîne.
Li gori Rêxistina Koçberiyê ya Navneteweyî ya (IOM) ya girêdayî Miletên Yekbûyî di 10 salên dawî de 72 hezar mirov di rêyên koçberiyê de jiyana xwe ji dest dane.
