Meclisa Ekolojiyê ya Amedê, daxuyanî da û xwest xebatên kargeha keviran a li taxa Korxa ya Licê bi dawî bibe. Meclisê da zanîn ku kargeh xwezayê dehtîd dike.
Meclisa Ekolojiyê ya Amedê li dijî xebatên “Ocaxa Kevir, Santrala Plent û Tesîsa Şikandin û Eleqkirinê” ku li gundê Korxa navçeya Licê ya Amedê ji aliyê Midûriyeta Giştî ya Rêya Bejahî ya Herêma ya 8emîn ve tê meşandin daxuyaniyek da. TJA, nûnerên DEM Partiyê endamên Meclisa Ekolojiyê ya Amedê û gelek welatî amade bûn. Girseya gel li qada mayî ya Şikefta Bîrqleynê kom bûn û meşiyan qada ku kargeha kevir û xebatên tesîsa pelçiqandinê lê tê kirin. Welatiyên ku nêzî qadê bûn, li dijî xwediyên şîrketan ên ku xebatan dimeşînin nerazîbûn nîşan dan. Hewldana jendirmeyan a ji bo binçavkirina xwepêşandêran rastî nerazîbûnên tund hat. Piştî bertekan jendirmeyan dev ji astengiyan berdan.
Berdevkê Meclisa Ekolojiyê ya Amedê Sabrî Kiliç li vir daxuyanî da û xwest, projeya ku xweza, jiyan, dîrok û mîrateya çandî bê sekinandin û wiha got: “Ji bo tesîsa ku li ser nêzî 250 donim erd hatiye plankirin biryara ‘Nirxandina Bandora Hawirdorê nayê xwestin’ hatiye dayîn. Ev biryar ne tenê ji bo xwezayê, ji bo bîra herêmê, jiyana hevpar û dewamiya çandî tehdîteke cidî ye. Ev herêm rasterast li jora şikeftên Bîrqleyn a dîrokî ye û vê yekê dike destwerdaneke ku bêrêziyê li nirxên dîrokî û çandî dike. Weke Meclisa Ekolojiyê em balê dikişînin ser: Ev proje wê ne tenê kevir bê derxistin, di heman demê de wê ekosîstemê parçe bike, ava binê erdê qirêj bike, dest deyne ser zevî û debara gel û gefê li jiyana mirovan û xwezayî ya bi toz û deng bixwe.”
Serokê Komîsyona Hiqûqa Hawirdor û Bajarvaniyê ya Baroya Amedê Ahmet Înan jî diyar kir ku Şikeftên Bîrqleyn ên dîrokî bi xeteriya tinebûnê re rû bi rû ne.
Daxuyanî bi çepikan bi dawî bû.
