Şirnex – Li goristanên Şirnexê bi dehan endamên HPG û YJA-STARê yên li gorên bêkesan hatine definkirin hene. Li gel ku malbatan serî li rayedaran dane û dixwazin radestî wan bikin jî ev nayê kirin.
Li navend, navçe, bajarok û gundên Şirnexê ji sala 2015an ve cenazeyên 272 endamên HPG û YJA-STARê ku li deverên cuda jiyana xwe ji dest dane, li gorên bêkesan hatine definkirin. Gelek malbatên ku bi salan e ji bo stendina cenezayên zarokên xwe kirine li bendê de ku rayedarên dewletê bersiv bide wan.
Li ser goran li şuna nav tenê hejmar hatine nivîsandin
Li gor agahiyên hatine komkirin li navenda Şirnexê 130, li navçeya Qilebanê 47, li navçeya Cizîrê 2, li navçeya Elkê 5, li navçeya Hezex 21, li navçeya Silopya 67 cenazeyên endamên HPG û YJA-STARê li goristanên van deveran hatine definkirin û li ser goran tenê hejmar hatine nivîsandin. Rêveberê Komeleya Yekitî Çand Piştevanî û Alîkariyê ya bi Malbatên Xizmên xwe li Derguşa Şaristaniyê Windakirinê re yê Şirnex (MEBYA-DER) Jîhat Urgen derbarê mijarê de got ku li gel ku malbatan serlêdan kirine jî cenazeyên zarokên wan nayên dayîn.
Dewlet ji bo ku cenazeyan bide astengiyan dertêxe
Urgen da zanîn ku malbatan ji bo cenazeye zarokên xwe bistînin mînaka xwînê dane û wiha axivî; “Bi sedan cenaze li Şirnex di gorên bêkesan de hatine definkirin û daxwaza malbatên wan heye ku cenazeyên zarokên xwe bistînin lê dewlet di vê mijarê de astengiyan dertêxîne.”
Dewlet encamekî nade malbatan
Urgen diyar kir ku dewlet encamekî nade malbatan û axaftina xwe wiha bi dawî kir; “Her çiqas malbatan serlêdan kiribe jî dewlet encamekî naxe destê malbatan. Em dizanin li Şirnex û navçeyên wê bi sedan cenazeyên bê nav hene û malbat li bendê ne cenazeye zarokên xwe bistînin.”
