Li Herêma Bestayê bi sedan kes tevlî nobeta li hember talana xwezaya Şirnexê destpê kir.
Li navbera gundên Bişiyê Reş û Çemê Tawî yên salên 1990î ji aliyê dewletê ve hatibû valakirin bi tevlîbûna Hevseroka Gişrî ya DEM Partiyê Tulay Hatîmogûllari, hevserokên DBPê Çîgdem Kiliçgun Ûçar û Keskîn Bayindir, gelek parlamenterên DEM Partiyê, endamên rêxistinên ekolojiye, endam û rêveberên partiyên siyasî û sedan welatiyan nobeta li hember talana xwezaya Şirnex destpê kir.
Nobetê li devera Kûn Hirçê destpê kir û dever qada komkirina darên Bestayê yên hatine birîn e. Welatiyên ku tevlî nobetê bûne bertek nîşanî talana xwezayê dan û gotin ku ji bo talan raweste hewce bike heya dawî ew ê nobeta xwe berdewam bikin.
