Aktîvîstên TJAyê li dijî tacîzkirina jinan û revandina zarokan li Amedê meşeke girseyî li dar xist. Jinan di çalakiyê de pankarta “Em li taxa xwe dizan, tecawuzkaran û îstîsmara zarokan naxwazin” vekirin û meşiyan
Aktîvîstên Tevgera Jinên Azad (TJA) li TOKÎ ya Navçeya Bajarê Nû ya Amedê li dijî dizan, tecawuzkaran û îstîsmarê meşeke girseyî pêk anî.
Aktîvîstên TJAyê li dijî tacîza li ser jinê û rewandina zarokan li TOKÎyê kom bûn û meşiyan.
Aktîvîstên TJAyê nûnerên Partiya Heremên Demokratîk(DBP), Partîya Wekhevî û Demokrasiya Gelan (DEM Partî) û nûnerên saziyên civakî kom bûn û bi pankart û dirûşmeyan meşiyan. Jinan di meşê de pankarta “Em li taxa xwe dizan, tecawuzkaran û îstîsmara zarokan naxwazin” vekirin. Jinan di meşê de bê navber dirûşmeyên “Jin Jiyan Azadî” û “Destê dirêjî jinan dibe bila bişkê” û ” Destê dirêjî zarokan dibe bila bişkê” berz kirin. Jinan li dijî destdirêjiya li taxê daxwazên xwe anîn ziman. Girse heza bazara Uç Kuyularê meşiyan û li vir daxuyanî da. Hevseroka DBPê a Amedê Nûçem Elyakut daxuyanî xwend.
Piştî daxuyaniyê Berdewka Meclîsa Jina a DEM partîyê Halîde Turkoglu li vir axaftinek kir. Welatiya taxê Semîre Soner jî axivî û got: “Piştî vê seetê heta ku ji destê me bê emê li qadan bi hevalên xwe re bin. Em ê serê xwe bilind bikin û li dijî êrîşê ser jina û rewandina zarokan em ê bertekên xwe bînin ziman.”
Çalakî bi daxuyanî û dirûşmeyan bi dawî bû.
