Nûnerên saziyên civakî, partiyên siyasî û rêxistinên jinan Jîna Amînî ya 22 salî ku ji aliyê polîsên Rejîma Îranê ve hat kuştin û serhildana “Jin Jiyan Azadî” daxuyanî dan. Nûnerên saziyan diyar kirin ku Serhildana Jin Jiyan azadî têkoşîneke bîrdozî ye.
Hevseroka Giştî ya DEM Partiyê Tulay Hatîmogullari û Hevseroka Giştî ya DBPê Çîgdem Kiliçgun Uçar, Hevseroka Giştî ya HDKê Meral Daniş Beştaş, Jîna Emînî bi bîr anîn û diyar kirin ku berxwedana Jîna Emînî sînoran derbas kir, pêşengtiya têkoşîna azadiyê ya jinên li çaraliyê cîhanê kir.
Kongreya Star a bajarê Qamiloyê yê kantona Cizîra û bajarê Kobanê yê kantona Firatê yên Bakur û Rojhilatê Sûriyê bi boneya qetilkirina Jîna Emînî (22) û serhildana “Jin, Jiyan, Azadî” daxuyanî dan û gotin: “Ev serhilan, serhildana tevayî jinan, mêrên azad û civakên ku azadiyê dixwazin e. Em bi qîr û hêza jinên Rojava dibêjin, Jin, Jiyan, Azadî”.
TJAyê jî bi heman armancê daxuyanî da. TJAyê diyar kir ku berxwedana ‘Jin, Jiyan, Azadî’ de, ku piştî qetilkirina Jîna Emînî dest pê kir û ketiye sala xwe ya sêyemîn de, got: “Serhildana jinan tenê bi sergirtinê nayê ravekirin; ev têkoşînek îdeolojîk e.”
Girtiya siysaî Werîşe Mûradî jî diyar kir ku dirûşma “Jin, jiyan, azadî” mijara jinê veguherandiye bingeha şoreşê û got ku ev roj divê ne tenê weke rojeke bîranînê were nirxandin
