Şervanên HSD’ê êrîşa şaneyên çeteyên DAIŞ’ê li dijî bajarokê Behra Wista yê rojhilatê Dêrazorê têk bir. Di encamê de 5 şervanên HSDê şehîd bûn û yek jî birîndar bû.
Navenda Ragihandinê ya Hêzên Sûriya Demokratîk (HSD) bi daxuyaniyekê ragihand ku wan êrişa şaneyên çeteyên DAIŞ’ê ya li dijî bajarokê Behra Wista têk bir. Di encamê de pevçûnên giran qewimîn û 5 şervan şehîd bûn û yek jî birîndar bû.
Di daxuyaniyê de sersaxî ji malbatên şehîdan re hat xwestin û soza tolhildana wan û domandina têkoşînê hat dubarekirin.
