Berdevka Meclîsa Jinan a DEM Partiyê Halîde Turkogluyê banga beşdariya meşa TJAyê ya ji Amedê ber bi Enqereyê ve destpê dike kir û got: “Meşa me ji bo azadiya fizîkî ya birêz Abdullah Ocalan û pêkanîna mafê hêviyê ye.”
Berdevka Meclîsa Jinan a DEM Partiyê Halîde Turkogluyê bi boneya Salvegera kuştina Rojîn Kabaîşê, tundiya li ser jinan tê meşandin, girtiyên siyasî, pêvajoya Aştî û Civaka Demokratîk û meşa kû bi pêşengtiya Tevgera Jinên Azad (TJA) 1ê Cotmehê li amedê dest pê bike heya Enqereyê dewam bike li avahiya Rêxistina DEM Partiyê ya Amedê daxuyanî da çapmeniyê.
Halîde Turkogluyê destpêkê Rojîn Kabaîş a ku di 27ê Îlona 2024an de li Wanê winda bibû û 18 roj şûn de cenazeyê wê hatibû dîtin bibîranî û got: “Ev salek li ser kuştina Rojînê re derbas bû lê dozgeriyê biryara veşartina dosyayê daye û naxwaze rastî derkeve holê. Em li vir bang dikin ruxmê di otopsiyê de DNAya du mêran li ser laşê Rojînê hatiye tespîtkirin jî hûn çima vê aşkere nakin. Ev mînakpn DNAyê aydî kê ne hûn çima aşkere nakin.”
‘Em van polîtikayan qebûl nakin’
Halîde Turkogluyê li dijî kuştin û tundiya li ser jinan got: “ Em ê li hember van polîtîjayên hişmendiya mêrperest û desthilatdar her tim têbikoşin û axaftina xwe wiha domand: “Kuştina jinan bi polîtîkatên dewletê yên bêceza hîştinê her roj zêde dibin. Dewlet dixwaze bi van polîtîkayan kuştina jinan rewa bike, em vê qebûl nakin. Li hember van polîtîkayan em ê her tim li berxwe bidin. Îro jî em ê li Amedê, li Wanê li dijî van polîtîkayan li qadan bin, bimeşin, bertekên xwe nîşan bidin.”
‘Em her tim li gel Endamên Çapemeniya Azad in’
Halîte Turkogluyê bal kişand zextên li ser xebatkarên Çapemeniya Azad û wiha got: “Dîsa desthilatdarî kedkarên Çapemeniya Azad ên jin tehdît dike. Herî dawiyê muhabîra JinNewsê Şehrîban Aslan ji ber nûçeyên xwe yên ku hişmendiya desthilatdariyê deşîfre kir li ser medyaya dîjîtal hate tehdîtkirin. Em wek meclisa jinan a DEM Partiyê her tim li gel endamên Çapemeniya Azad in.” Halîde Tirkogluyê behsa xebatên komîsyona ku di bin banê Meclîsê de hatiye avakirin de jî axivî û got: “Yuksel Genç jî di civîna jomîsyonê de axivî. Piştî axaftina Yuksel Gençê Turhan Çomezê ÎYÎ Partîyî li ser medyaya dîjîtal êrişî Yuksel Gençê kir. Em li vir vê hişmendiya dij çareseriyê û di înkar û îmhayê de israr dile şermezar dikin, em li dijî vê hişmebdoyê ne, em li gel Yuksel Gencê ne.”
Banga beşdariya ‘Meşa Azadiyê’
Halîde Turkogluyê derheqê meşa ku dê di 1ê Cotmehê de li Amedê heta Enqereyê bi pêşengiya TJAyê pêk bînin de jî axivî û got: “Em meşeke bi şiyara ‘Em bi hêviyê ber bi azadiyê ve dimeşin’ didin destpêkirin. Em vê meşe ji bo azadiya fizîkî ya birêz Abdullah Ocalan û mafê hêviyê pêk tînin. Ev meş dengê jinan e, denge gele Kurd e û denge tevahî Tirkiyeyê ye. Gere Enqere, Meclîs, komîsyon êdî vê pirsgirêkê çareser bike, ji ber vê em dixwazin heta Enqereyê bimeşin. Ev meş di heman demê de ji bo jinan, ji bo aştiyê piştgirî ye. Ne tene jinên Kurd, lig elek bajarên Tirkiyeyê, jinên enternasyonalîst jî din av de nêzî 250 jinan dê tev li meşê bibin.”
