Rêveberiya Xweseriya Demokratîk bi daxuyaniyekê salvegera 10emîn a damezrandina HSDê pîroz kir û diyar kir ku “Dema hatiye HSDê cihê xwe yê mafdar û layiq di artêşa nû ya Sûriyeyê de, weke hêzek neteweyî ku parastina yekitiya wê dike, hêviyên demokrasî û edaletê îfade dike, bigire.”
11ê Cotmeha 2025an, salvegera 10ˊemîn a damezrandina Hêzên Sûriya Demokratîk (HSD) ye, bi vê boneyê Rêveberiya Xweseriya Demokratîk a Herêma Bakur û Rojhilatê Sûriyeyê daxuiyaniyek da. Rêveberiya Xweser di daxuyaniya xwe de ev bone li malbatên şehîdan, şervan û fermandarên HSDê û li tevahî gelê Bakur û Rojhilatê Sûriyeyê pîroz kir.
Daxuyaniya Rêveberiya Xweser wiha ye:
“Bi boneya salvegera dehemîn a damezrandina HSDê, vê boneya mezin a neteweyî, Rêveberiya Xweseriya Demokratîk a Herêma Bakur û Rojhilatê Sûriyeyê bi rêz û hurmeteke mezin şehîdên di oxira axa welat de canê xwe daye bi bîr tîne. Bi fedakariya şehîdan herêm ji terorê hat rizgarkirin, ewlehî û aramî misoger bû. Em vê boneyê li malbatên şehîdan, şervan û fermandarên HSDê, li tevahî gelê xwe yê li Bakru û Rojhilatê Sûriyeyê pîroz dikin.
HSDê di demekê de êrişên terorîsta cîhanî ya bi nûnertiya rêxistin DAIŞê mezin dibûn û gef li tevahî mirovahiyê dixwarin, HSDê di qonaxeke zehemettir ku Sûriye û herêmê tê re derbas dibe de hat damezrandin. Ji nava wan şert û mercan, ev hêz ji keç û xortên herêmê bi hemû pêkhateyên wê hat avakirin, da ku bibibe modela yekitiya gelan û hevgirtina li hember tundrawî û terorê.
Di demekê de gelek dewlet û hêzan nikarî rêxistina DAIŞê têk bibira, HSDê roleke stratejîk di têkbirina wê ya erdnîgarî de lîst. Van hêzan, ne tenê ji bo Bakur û Rojhilatê Sûriyeyê lê ji bo tevahî mirovahiyê, fedakariyên mezin di parastina nirxên mirovahî, azadî û rûmetê de dan.
Îro, bi derbasbûna 10 salan di ser damezrandinê re, Rêveberiya Xweseriya Demokratîk diyar dike ku dem hatiye ku HSDê cihê xwe yê layiq mafdar di artêşa nû ya Sûriyeyê de, weke hêzeke neteweyî ku welat û yekitiya wê diparêze û xwestekên gelên wê yên demokrasî, edalet û wekheviyê îfade dike, bigire.
Di dawiyê de em careke din vê munasebeta dîrokî li HSDê, şervan û fermandarên wê, li tevahî gelê xwe pîroz dikin û diyar dikin ku em piştgiriya xwe ji bo van hêzên ku valvaya herêmê ne, sembola fedakarî û dilsoziyê ne, didomînin.”
