Ji bo Rojîn Kabaîş a ku li Wanê hat qetilkirin, li Manîsayê bi dirûşmeya “Ji bo Rojîn edalet” daxuyanî hate dayîn.
Gelek jin tevlî daxuyaniya ku ji aliyê Platforma Jinan a Manîsayê ve li Meydana Manolya hate dayîn, bûn. Di daxuyaniyê de pankarta “Dawî li zilm, zordarî û tundiya li ser jinan bînin” hat vekirin û bênavber dirûşmeyên “Ji bo Rojîn edalet” û “Bêdeng nemîne biqîre” hatin berzkirin
Endama Egîtîm Senê Bengî Kanat daxuyaniya çapemeniyê xwend. Kanat diyar kir ku jin dê ji bo hemû jinên ku hatine kuştin têkoşîna xwe bidomînin û got, “Em ji bo Rojîn Kabaîş edaletê dixwazin. Em ê di şexsê Rojîn de hesabê hemû jinan bipirsin.”
Daxuyanî bi berzkirina dirûşmeyan bi dawî bû.
