Cîgirê Hevserokên Giştî yê DEM Partiyê Tayîp Temel ragihand ku dê Heyeta DEM Partiyê ya Îmraliyê roja Duşemê biçe Îmraliyê û bi Rêberê Gelê Kurd Abdullah Ocalan re hevdîtinê bike.
Cîgirê Hevserokên DEM Partiyê yê ji Çapemenî û Propagandayê Berpirsyar e Tayîp Temel beşdarî bernameya Rojev a Stêrk TV bû. Temel derbarê pêvajoyê de agahiyên girîng parve kir.
Tayîp Temel diyar kir ku armanc beriya sersalê derketina qanûnên navberê ya Civaka Demokratîk derbikevin û got: “Ji bo wê proses diyar e. Komîsyon wê biçe giravê hevdîtin bike. Piştî ku hevdîtin pêkanî wê vegere çerçoveya qanûnî binere. Beriya hevdîtinên butçeyê an jî piştî hevdîtinên butçeyê wê bikarin li meclisê derbikevin. Ya girîng di nava meha mijdarê de ew îrade were diyar kirin. Em dixwazin 3 gav di meha mijdarê de bên avêtin. Yek, çûyîna komîsyonê li girava Îmraliyê, sererastkirina şert û mercên birêz Ocalan e û xebatên komîsyonê ji bo çerçoveya qanûnî.”
Tayîp Temel da zanîn ku Heyeta DEM Partiyê ya Îmraliyê ku ji parlamentera Wanê Pervîn Buldan, parlamenterê Rihayê Mithat Sancar û endamê Buroya Hiqûqê ya Sedsalê Faîk Ozgur Erol pêk tê wê roja Duşemê biçe Îmraliyê û bi Rêberê Gelê Kurd Abdullah Ocalan re hevdîtinê bike.
