Li Deriyê Sînor ê Kapikoyê ya li navçeya Seravê eziyet li welatiyan tê kirin û welatî yek û yek ji derî re derbas dibin.
Li Deriyê Sînor ê Kapikoyê ya li navçeya Seravê ya Wanê, welatî ji bo ku ji dêrî re derbas bibin bi saetan di dorê de dimînin. Hat hînbûn ku rayedarên deriyê sînor welatiyan yek û yek ji derî re derbas dikin û ev yek bûye sedema dorê û qerebalixiyeke mezin a mirovan. Hat hînbûn ku rayedar kontrola nasname û kel û pelên ku welatî tînin bi awayekî kêyfî, ne li gor prosedora qanûnî pêk tînin û ev nêzîkatî jî dibe sedem ku gel bi saetan di dorê de bimîne. Ev rewş di nav welatiyan de bû sedema ne razîbûnan û welatiyan ev rewş protesto kir.
Hat zanîn ku qerebalixiya li derî hêj jî didome.
