Hevserokê MED-TUHAD FEDê Kerem Canpolat li ser rewşa girtîgehan axivî û anî ziman ku zextên li ser girtiyan pêk tên, girêdayî tecrîda li ser Rêberê Gelê Kurd Abdullah Ocalan in.
Li girtîgehên Tirkiyeyê her ku diçe zextên li ser girtiyan zêde dibin. Di vê pêvajoya ku aştî tê niqaşkirin de girtî nayên berdan û tundiya li ser girtiyan zêde dibe.
Hevserokê Federasyona Komeleya Piştevanî û Hiqûqî ya bi Malbatên Girtiyan re (MED-TUHAD FED) Kerem Canpolat, bal kişand ser zextên li zer girtian pêş dikevin û got: “Dewlet li gorî rihê pêvajoyê gavan neavêje. Divê di serîde Rêberê Gêlê Kurd Abdullah Ocalan azad bibe. Divê girtîgeh hemû bên vala kirin.”
Hevserokê MED-TUHAD FEDê Kerem Canpolat derbarê azadiya fîzîkî ya Rêberê Gelê Kurd Abdullah Ocalan de axivî û wiha got: “Em li Birêz Ocalan wekî kes nanêrin. Em wekî nûnerê gel li wî dinerin. Abdullah Ocalan nûnertiya bîrdoziyekê dike. Pêvajoya aştiyê piştî banga wî dest pê kir. Em dixwazin di vê pêvajoyê de şert û mercên brêz Ocalan û hemû girtiyan bên başkirin û girtî bên berdan. Armanca me ew ku tecrîda li ser Birêz Ocalan bên rakirin û bi wî re hemû girtiyên zindanê werin berdan. Di zindana de bi hezaran girtiyên siyasî hene. Zextên li ser girtiyan girêdayî tecrida li ser Abdullah Ocalane. Mixabin niha pêvajoyek ji bo aştiyê heye. Lê li girtigehan rewş ne başe.
Pêvajo di gotinê de dimîne
Kerem Canpolat bal kişand ser rewşa girtiyan û got: “Ji 1ê Cotmehê ve pêvajoyek hatiye destpêkirin. Bi taybetî di vê pêvajoyê de zextên li ser girtiyan zêde bûne. Zext tenê bi destê rêveberiya girtîgehê pêk nayê. Ev bi agahiya Wezareta Dadê pêk tên. Ev encama polîtîkayên hikûmet û dewletê ye. Li dijî van binpekirinan girtî û malbat çaalakiyan pêk tînin.”
Li girtigeha Erzinganê rewş xerab dibe
Kerem Canpolat berdewamiya axaftina xwe de bal kişand li ser girtîgeha Erzinganê û axivî: “Nihali hemû girtîgehên Kurdistan û Tirkiyeyê heman pirsgirêk hene. Îro herî zêde li ser girtiyên li Girtîgeha Erzînganê zext zêde bûne. Di van demên dawî îdare ji malbatan re pirsgirêka derdixe. Dema girtiyên nexweş diçin nexweşxaneyê, mafê wan tên binpêkirin û rûmeta girtiyan binpê dikin. Devê girtiyan vedikin û li devê girtiyan dinerin. Wan tazî dikin. Girtî li dijî vê yekê bertekên xwe tînin ziman. Girtî dixwazin li dijî vê yekê dengê xwe bigînin derve. Em dixwazin rewşa girtîgeha Erzinganê bê başkirin û wezîrê Dadê gavan bavêjin. Girtî dixwazin malbat neyên tacîzkirin û tundiya derûnî li ser wan nemeşîne. Pirtûk û nivîsên girtiyan desteser nekin.”
Kerem Canpolat xwest girtiyên 30 salî bên berdan û wiha dirêj kir: “Em ê di demek nêzîk d çalakiyên nû li dar bixin. Mehek berê jî me li pêş girtîgehê çalakî pêk anîbû. Dozgerê girtîgehê soz dabû û got dê vê rewşa xerab rast bikin. Lê heta niha tiştek nekirine. Gotinên erênî dibêjin, lê pratîk tune.
Kerem Canpolat herî dawî wiha got: “Aştiyek mayinde bi azadiya fîzîkî ya Rêberê Gelê Kurd Abdullah Ocalan û azadiya girtîgehan ve girêdayî ye. Pêwîste ku ji nûve zagon bên avakirin. Hemû girtî bên berdan. Ji ber ku girtiyên siyasî bi fikir û ramanên xwe xizmeta civakê dikin.”
