Li çar welatên başûrê rojhilatê Asyayê lehî rabû. 620 kes ji ber lehiyê mirin.
Li çar welatên başûrê rojhilatê Asyayê Endonezya, Tayland, Malezya û Srî Lankayê ji ber barînên zêde lehî rabû. Li gorî daneyên rayedarên xwecihî yên çar welatan; herî kêm 626 kes di lehî û hezazan de mirin.
Endonezya
Herî zêde li Endonezyayê mirov mirin. Li Endonezyayê herî kêm 300 kes mirin. Tenê li Girava Sumatrayê zêdetirî 270 kes winda ne. Li Sumatra Bakur jî 166 kes, li Acehê 47 kes, li Sumatra Rojava 90 kesan jiyana xwe ji dest dan. Li hin herêman av bi qasî 3 metreyî bilind bû. Hate ragihandin ku kapasîteya morgan tijî bûye û qemyonên sarkirinê ketine dewrê.
Tayland
Li herêmên başûr ên li Taylandê jî ji ber lehiyê 162 kes mirin. Serokwezîr Anutin Charnvirakul serdana navendeke stargehê ya li herêmê kir û ji ber rewşa welatî tê de ne, ji wan lêborîn xwest.
Malezya
Li eyaleta Perlisê ya li bakurê Malezyayê jî 2 kesan ji ber lehiyê mirin.
Srî Lanka
Bagera Ditwahê ku baran zêde kir, li Srî Lankayê bû sedema hilweşîneke mezin. Li welêt 159 kes mirin. 190 kes winda ne û 900 hezar kes ji bo herêmên bi ewle hatin veguhestin. Hikûmetê rewşa lezgîn ragihand û banga alîkariya navneteweyî kir.
