TUM BEL-SEN, dê di 12ê Kanûnê de Sempozyûma 2emîn a Navneteweyî ya Rêveberiyên Herêmî Ked û Demokrasiyê li darbixê. Li gelek welatan dê kesayetên bi mijarê re eleqadar beşdarî konferansê bibin.
Sendikaya Kedkarên Hemû Şeredariyan û Xizmetên Rêveberiya Xwecîhî (TUM BEL-SEN) ku girêdayî Konfederasyona Sendikaya Karkerên Cameweriyê (KESK) ye, dê di 12ê Kanûnê de “Sempozyûma 2emîn a Navneteweyî ya Rêveberiyên Herêmî Ked û Demokrasiyê” li darbixê. Hevşeredara Wanê Neslîhan Şedal û Şeredarê Esenyurdê Ahmet Ozer ên şûna wan qeyûm hatine tayinkirin jî dê tev li sempozyomê bibin. Hêvseroka Şaredariya Qamişloyê û Yekîtiya Şaredariyan ya Kantona Cizîrê Bêrivan Omer jî dê tev li sempozyûmê bibe. Her wiha li welatên cihanê jî kesayetên weke Pablo Sanchez ku berpirsê Xizmetên Cameweriyê û Rêveberiyên Herêmî yê Federasyona Sendîkayên Xizmeta Cemaweriyê ya ewropayê (EPSU) û gelek kes dê beşdarî sempozyûmê bibin.
Sempozyûm dê di seat 09:30an de destpê bike û heta seat 18:00an berdewam bike. Di sempozyûmê de mijarên sepanên qeyûm, guherandina pergala rêveberiyên herêmî, rêveberiyên herêmî û aştî û mînakên rêveberiyên herêmî li cihanê nirxandin werin kirin. Sempozyûm dê bi pirs û bersivan bi dawî bibe.
