Ursula von der Leyen ku cardin wekî Seroka Komîsyona Yekîtiya Ewropayê hate hilbijartin diyar kir ku Ewropa neçare berpirsyariya ewlehiya xwe bigire ser xwe.
Li Parlementoya Ewropayê ku li Strasbourgê ye, bi boneya jinûve bijartina Serokatiya Komîsyona Yekîtiya Ewropayê (YE) hilbijartin pêk hat. Soroka Komîsyonê Ursula von der Leyen ku cardin bû berendam bangî Parlementoya Ewropayê kir. Leyen piranî li pêşeroja Ewropayê axivî û bi taybetî pêwistiyên ewlehiyê destnîşan kirin. Leyen diyar kir ku divê Ewropa berpirsyariya ewlehiya xwe bigire ser xwe û êdî ev ne bijartekeke ev mecbûriyek e. Leyen wiha axivî: “Ewropa nikare destûr bide ku aliyek din nêrîna me ya cîhanê pênase bike.” Leyen bersiv da daxuyaniyên Trump ên derbarê Ewropayê de jî wiha got: “Di stratejiya ewlehiya neteweyî ya DYAyê de tê gotin ku aboriya Ewropayê hindî diçe kêm dibe. Ev yek rast e lê DYA jî di heman riyê de ye.”
‘Em li ser berjewendiyên xwe hûr bibin’
Leyen bal kişand ser guherîna dengeyên hêzên navneteweyî û got: “Divê Ewropa li hemberî van guhartinan li ser stratejî û berjewendiyên xwe hûr bibe. Dengeyên aborî jî ji nûve teşe digirin. Lê em destûr nadin hêzek ji derveyî dahatûya me diyar bike.” Leyen şerê li Ûkraynayê û talûkeyên ev şer ji bo Ewropayê derdixîne holê jî bi bîr xist û banga piştgiriya aborî ji bo Kîevê kir.
Di encma dengdanê de Leyen cardin bi 401 dengan ji bo demek din wekî Serokê Komîsyona YEyê hate hilbijartin.
