Nûnerê Taybet ê Trump Tom Barrack di hevdîtan xwe ya Şamê de lîsteyek çeteyan a ji hêla Îsraîlê ve hatiye amadekirin radestî Serokomarê Hikûmeta Demkî ya Sûriyê Ahmet al-Şara kir. Nivîskarê El-Ahbarê Yahya Dabbûk diyar kir ku Îsraîlê ji bo bingeha operasyonên xwe yên nû ava û meşrû bike, lîsteyek wiha çêkiriye.
Nivîskarê rojnameya El-Ahbarê Yahya Dabbûk têkildarî serdana Nûnerê Taybet ê Trump Tom Barrack û Serokomarê Hikûmeta Demkî ya Sûriyeyê Ahmed eş-Şara de agahiyek balkêş weşand. Dabbûk anî ziman ku di hevdîtinê de Barrack lîsteyek bi navê, “Lîsteya çeteyan” radestî Şara kiriye û xwestiye ku pêwistiyên wê pêkbîne. Di nivîsê de hate diyarkirin ku lîste wekî “Li Sûriyê derdorên ewlehiya Îsraîlê rast re rast tehdît dikin” hatine pênasekirin û ev agahî hatin dayîn: “Di lîsteyê de navê gelek kes û rêxistinên li Sûriyê cih digirin. Piraniya rêxistinên selefî û tundiraw ên ne di bin bandora Şara di lîsteyê de ne. Îran, Hîzbûllah, Ensarûllah û Cemaetê Îslamiye ya li Libnanê wekî nav di lîsteyê de derbas dibin. Her wiha li Sûriyê jî DAÎŞ û gelek rêxistinên din ên tundiraw hene.”
Şara dê li hemberî van rêxistinan têbikoşe
Di nivîsê de hate diyarkirin ku bi vê lîsteyê Îsraîl berpirsyariya têkoşîna li hemberî van rêxistinan diavêje ser milê Sûriyê û wiha hate gotin: “Lê ji van rêxistinan hinek niha di nav artêşa Sûriyê ya nû de cih digirin. Tenê hêzên rejîmê derveyî lîsteyê hatine hiştin. Du armancên vê lîsteyê hene. Yek Îsraîl di pêşerojê de dê van rêxistinan wekî hincet operasyonên li ser axa Sûriyê nîşan bide û bi vî awayî êrîşkariya xwe rewa bike. Didû jî bi van hincetan dixwaze çewsa DYAyê li ser xwe sivik bike.”
Dabbûk diyar dike ku ev lîste di hevdîtina Barrack û Netanyahû de hate nîqaşkirin û piştî hevdîtinê di nav 48 seatan de hate çêkirin. Di nivîsê de van nirxandinan cih girt: “Di civînê de DYAyê ji Îsraîlê xwest ku bi Şara re mûzakereyan bimeşîne, operasyonên xwe yên li Sûriyê kêm bike û çalakiyek ku Şara tehdît bike, pêk neîne. Li vir biryara ji nûve destpêkirina mûzakereyan bi Şara re jî hate dayîn. Lê Îsraîl bi vê lîsteyê hewil dide hincetan ji xwe re peyda bike û pêkanînên xwe bi vê hincetê berdewam bike.”
