Maça Amedspor û Bodurmsporê 0-0 bi dawî bû. Amedsporê puanek bi dest xist, puanê xwe kir 36 û ket rêza 2yemîn a lîgê.
Amedspor û Bodrumspor di hefteya 18emîn a Lîga 1emîn a Trendyolê ya Federasyona Futbola Tirkiyeyê (TFF) de hatin hemberî hev. Maç li Stadyûma navçeya Bodrûmê ya Mûglayê pêk hat. Maça ku 95 deqîqe dewam kir 0-0 bi dawî bû. Tevî ku futbolîstên Amedsporê gelek caran firsenda gol avêtine ket destê wan jî lê gol neavêtin. Bi vî awayî hedefa wergirtina 3 puanan jî pêk nehat. Amedsporê puanek bi dest xist û puanê xwe derxist 36an û bi awayî cihê xwe di rêza 2yemîn a lîgê de girt.
Heke Amedspor li hemberî Bodrumsporêbi ser biketa dê puanê xwe derxista 38an û di lîgê de bibûya 1emîn.
Maça Amedsporê û Igdirsporê
Hefteya bê Amedspor û Igdirspor dê li Stada Tahîr Elçî ya Amedê di hefteya dawî ya dewreya 1emîn ango di hefteya 19emîn de werin hemberî hev.
