Wezîrê Karên Derve yê Îsraîlê Gideon Saar li dijî êrişên li ser Helebê nerazîbûn nîşan da û got ku êrişên li Helebê dijî Kurdan hatine destpêkirin êrişên cidî ne û pir xeternak in.
Wezîrê Karên Derve yê Îsraîlê Gideon Saar li ser hesabê xwe yê Xê têkildarî êrişên li dijî taxên Kurdan Şêxmeqsûd, Eşrefiyê û Benî Zêd ên Helebê hatine destpêkirin, daxuyanî da. Gideon Saar di daxuyaniya xwe de bang li cîhanê û taybet jî li welatên rojava kir û got: “Kurdan li dijî DAIŞê şereke serkeftî kir û DAIŞê têk bir. Bi vî şerê serkeftî re rûmeta cîhanê û bi taybet jî rûmeta welatên rojava rizgar kirin.” Saar da zanîn ku cîhan û bi taybetî jî welatên rojava li hemberî Kurdan deyndarê rûmetê ne.
‘Dêvê li gorî soza ku dane xwedî helwest bin’
Wezîrê Karên Derve yê Îsraîlê Gideon Saar rexne li welatên ku dibêjin pêwîst e “Suriyeke nû” bê avakirin jî dike. Saar diyar kir ku sazkirina “Suriyeyeke nû” û van êrişên plankirî yên bênavber û zextên xedar ên li dijî pêkhateyên Sûriyeyê pêk tên û gotinên wan dijberên hev in û parodokseke mezin e.
Bêdengî rê li pêşiya êrişan vedike
Saar rexne li bêdengiya qada navneteweyî jî kir û da zanîn ku bêdengî rê dide ku hikûmeta Şamê zext û êrişên li ser pêkhateyên li Sûriyeyê zedetir bike.
