Heyeta DEM Partiyê ya Îmraliyê amadekariyê dike ku ji bo hevdîtina bi Serokkomarê AKPyî Tayyîp Erdogan re serlêdanê bike.
Endamên Heyeta DEM Partiyê ya Îmraliyê Pervîn Bûldan û Mîthat Sancar wê di çarçoveya Pêvajoya “Aştî û Civaka Demokratîk” de roja Duşemê ji bo hevdîtina bi Serokkomarê AKPyî re serlêdanê bike.
Heyeta Îmraliyê piştî hevdîtina 2yê Kanûnê ya bi Rêberê Gelê Kurd Abdullah Ocalan re bi rayedarên dewletê û partiyên siyasî re hin hevdîtin kir. Di vê çarçoveyê de heyetê bi Serokê Giştî yê MHPê Devlet Bahçelî, Serokê Giştî yê Partiya DEVA Alî Babacan, Serokê Giştî yê CHPê Ozgur Ozel, Serokê Giştî yê Partiya Paşerojê Ahmet Davûtoglû, Serokê Meclîsa Tirkiyeyê Nûman Kûrtûlmûş, Wezîrê Edaletê Yilmaz Tûnç, Serokê Giştî yê Partiya Karker a Tirkiyeyê (TÎP) Erkan Baş, Serokê Giştî yê Partiya Kedê (EMEP) Seyît Aslan û Koma Meclîsa AKPê re hevdîtin kir.
Piştî hevdîtinan hatibû ragihandin ku wê heyet bi Erdogan re hevdîtinekê bike. Li dû hevdîtina bi Erdogan re heyet plan dike ku li Îmraliyê careke din bi Abdullah Ocalan re hevdîtinê bike.
