Balafireke biçek û bêmirov (SÎHA) a dewleta tirk çeperek HSDê bombebaran kir. HSDê ev yek wekî hilkişînek xeternak a berfirehkirina şer nirxand.
Navenda Ragihandina HSDê têkildarî bombebarana dewleta tirk de daxuyaniyek belav kir û ev agahî parve kirin:
“Vê êvarê saet di 18.00’an de SÎHAyek Tirkiyeyê ya bi tîpa Akinci, li herêma neftê ya Thawra ku dikeve başûrê bajarê Tebqayê, çepereke leşkerî ya hêzên me bombebaran kir. Di êrîşê de ziyana madî çêbûye.
Ev yek piştrast dike ku dewleta tirk rasterast mudaxeleyî Sûriyeyê dike û dibe hilkişînek xeternak ku gefa berfirehbûna şerê heyî, çêdike.”
