Navenda Ragihandinê ya HSDê li dijî banga fitne û fesadiya Wezareta Parastinê ya Hikûmeta Demkî ya Şamê daxuyanî da û got ku fitne û alozî nikare li qadê tiştekî biguherîne.
Navenda Ragihandinê ya Hêzên Sûriya Demokratîk (HSD) têkildarî banga fitne û fesadiya Wezareta Parastina Hikumeta Demkî ya Şamê daxuyaniyek nivîskî weşand. Di daxuyaniyê de hat gotin ku ev banga fitne û fesadê ya wezareta Şamê ya ji bo şervanê HSDê kiriye îflasa leşkerî û siyasî ya van hêzên têkçûyî ye. Di daxuyaniyê de hat diyarkirin ku hemû şervanên wan û raya giştî ya pêkhateyên Rojava tu puteyê nade van bangê derdorên têkçûyî yên bêçare.
‘Yekîtiya hêza HSDê bi xwînê hatiye avakirin’
Di daxuyaniyê de hat destnîşankirin ku ku şervanên HSDê yên ji Kurd, Erab, Suryanî û yên din pêk tên bi xwînê yekîtiya xwe birêxistin kirine û ew ji bo têkoşîna li dij terorê, parastina pêkhate û sivîlan hezir û amadene. Di daxuyaniyê de hat eşkerekirin ku şervanên wan û malbatên şervanan ewladên vê axê ne, welatperêz in, bi axa xwe ve girêdayî ne û xwedî tercîheke diyarkirî ne. HSD di daxuyaniya xwe de dibêje ku bi salane hêza wan li gel êriş û daxuyaniyê fitne û fesadiyê yekîtiya xwe kelijandiye û hêza xwe mezin kiriye.
‘Qad rastiyê diparêze kes nikare biguhêrîne’
Di daxuyaniyê de qala rastiya qadê hat kirin ev yek hate gotin: “Derxistina fitneyê û şerûdiya durê aqil nikare li qadê tiştek biguhêrîne. Hêza Sûriya Demokratîk li gel pêkhateyên Bakur û Rojhilatê Sûriyeyê dê terorê û rengê terorê yên nû têk bibe û yekîtiya xwe xurt û mezin bike.”
