Komîteya Tikiliyên Derve ya Meclisa DYAyê bi daxuyaniyekê destnîşan kir ku divê Şara dest ji şerê li dijî Kurdan berde.
Komîteya Têkiliyên Derve ya Meclisa Nûneran a Dewletên Yekbûyî yên Amerîkayê (DYA) li ser hesabê xwe yên fermî têkildarî êrişên li dijî Kurdan daxuyaniyek parvekir. Di parvekirinê de daxuyaniya Fermandariya CENTCOMê ya li ser heman mijarê hate destnîşan kirin û wiha hate gotin: “Gelê Kurd demeke dirêj e ji bo pêşerojeke baştir a Sûriyeyê têdikoşe û nîvekarekî baş ê DYAyê ye. Serokdewletê Sûriyeyê Ahmet Şara divê êdî rêya xwe bi xwe xêz bike û dest ji şerê li dijî Kurdan berde.”
Peyama ji bo Tirkiyeyê
Di parvekirinê de bi taybetî gotina, “Divê êdî rêya xwe bi xwe xêz bike” peyama ku DYAyê ji angajmana Şara ya bi Tirkiyeyê re nerazî ye hate nirxandin. Di demên dawî de di daxuyaniyên DYAyê de heman gotin tê dubarekirin û nerazîbûna girêdayîna Şara a bi Tirkiyê ve tê rexnekirin. Senator Graham jî di daxuyaniya serê sibê de heman peyam dabû.
