Li navçeyên Bagcilar, Pendîk û Kagithaneyê yên Stenbolê li dijî êrişên li ser Rojava hat şermezarkirin. Hevserokê DEM Partiyê yê Stenbolê Çinar Altan diyar kir ku ew bang dikin ku komkijiyê bisekînin. Lê ew alîkarî naxwazin. Ew xwe nas dikin ew ê serbikevin û got: “Em ê li her derî berxwedanê mezin bikin.”
Li Stenbolê her roj gelê Kurd û Tirk li dijî êrîşên çeteyên HTŞ, SMO û DAIŞê yên li ser Rojava çalakiyan dikin û dengê bilind dikin. Rêxistina DEM Partiyê ya Stenbolê navçe navçe daxuyanî dide û meş li dar dixe. Li navçeyên Bagcilar, Pendîk û Kagithaneyê girse daket qadan.
Li Kagithaneyê gel Kolana Vatanê kom bûn û li vir daxuyanî dan. Li Bagcilarê jî gel taxa Fatihê kom bûn û daxuyanî hat dayîn. Girse di serî de xwest bimeşe lê polis êrişî girseyê kir û gelek kes binçav kir.
‘Em ê bi ser bikevin’
Li vir ewilî Hevserokê DEM Partiyê yê Stenbolê Çinar Altan axivî û diyar kir ku di serî de kesên ku li ber xwe didin silav dikin û wiha axivî: “Hêzên emperyalîst êrişî axa Rojava dikin. Lê em ji dizanin berxwedan mafê me ye. Em tu carî ji dev berxwedana xwe bernadin. Em bang dikin ku komkijiyê bisekînin. Lê em alîkarî tu kesî naxwazin. Em xwe nas dikin. Em ê bi ser bikevin. Em mafdar in, çawa ku sînor hat hilweşandin me dît. Em ê li her derî berxwedanê mezin bikin.”
Paşê jî daxuyanî hat xwendin û daxuyanî bi dirûşmeya “Bijî berxwedana Rojava” bi dawî bû.
