Li gorî nûçeya Î24Newsê ya Îsraîlê di hefteyên pêş de dê hikûmeta nû ya kû hemû pêkhateyên li Sûriyê digire nav xwe bê avakirin û serokwezîrek nû bê wezîfedarkirin. Di nûçeyê de agahiyên derbarê HSDê de jî tên dawîn û wiha tê gotin: “DYAyê ji bo Kurdan teşwîqî pêvajoya entegrasyonê bike piştgiriya xwe ya ji bo HSDê bi dawî kir. Tevlêbûna HSDê ya di nav hikûmetê de dê hikûmetê rewa bike.”
Saziya weşanê ya Î24Newsê derbarê geşedanên li Sûriyê û amadekariyên hikûmetek nû de nûçeyek weşand. Di nûçeyê de hate diyarkirin ku agahî ji çavkaniyek nêzîk Serokê Hikûmeta Demkî ya Sûriyê Ahmet el Şara hatiye girtin. Di nûçeyê tê destnîşankirin ku tê payîn ku Şara dê di hefteyên pêş de ji bo avakirina hikûmetek nû dest bi xebatekê bike. Hate destnîşan kirin ku dê hikûmeta nû li ser bihgehek berfireh bê avakirin.
‘Dê nûnerên kêmaran cih bigirin’
Li gorî çavkaniyan, ev hikûmet dê kesayetên ji hemû beşên civaka Sûriyê di nav xwe de bihewîne da ku fikarên komên kêmaran çareser bike. Di nûçeyê de van agahiyan cih girt: “Kesên ku bên hilbijartin dê ew kes bin ku hem xwedî meşrûiyeta navxweyî û hem jî ya navneteweyî bin.”
Serokê Partiya Liberal wekî serokwezîr tê fikirîn
Li gorî agahiyên hatine bidestxistin, yek ji namzedên sereke yê navê wî ji bo wezîfeya Serokwezîrtiyê tê nirxandin jî Fahad el-Mecrî ye. Di nûçeyê de tê destnîşan kirin ku Mecrî hem Serokê Partiya Lîberal a Sûriyê û hem jî siyasetmedarekî Sûrî yê bi ezmûn e. Di nûçeyê de wiha hate gotin: “Berpirsekî Amerîkî diyar kir ku rêveberiya Trump “piştgiriya el-Mecrî ya ji bo helwestên Washingtonê yên li ser Sûriyê û herêmê teqdîr dike û bawer dike ku Sûriye dê ji lîstina roleke bi bandor a ji aliyê wî ve sûd werbigire.”
‘Dê konferansek nû bê li darxistin’
Çavkaniyek din ê ji Sûriyê agahiya ku hikûmeta nû ya Sûriyê dê hewil bide hind wezaretan bike yek ku zêdetir karîger bin. Nûçe wiha berdewam dike: ” Li gorî berpirsê Amerîkî ji bo avakirina hikûmeteke mayîndetir û ne demkî, di nav ramanên cihêreng ên ku hatine pêşniyarkirin û gotûbêjkirin de pêkanîna konferansek li ser avakirina hikûmetek nû jî heye.
Tevlêbûna HSDê dê hikûmetê rewa bike’
Di nûçeyê de li ser rola HSDê jî tê sekinîn û ev agahî cih digirin: “Berpirsî got ku biryara Balyozê DYAyê yê li Tirkiyeyê û Nûnerê Taybet ji bo Sûriyeyê Tom Barrack a vekişandina piştgiriya ji Hêzên Sûriya Demokratîk (HSD) yên bi pêşengiya Kurdan, beşek jê ji baweriya wî ya ku divê Kurdên Sûriyeyê bibin beşek ji hikûmeta Şamê û ev yek dê zêdetir meşrûiyetê bide hikûmetê, tê. Washingtonê bi dawîkirina hevkariya xwe ya bi HSDê re xwestiye ku Kurdan teşwîqî entegrasyonê bike û pêvajoya avakirina hikûmeteke berfireh û tevlêker bi lez bike.”
Î24News bi kesê navê wî ji bo serokwezîrtiyê derbas dibe Fahad el-Mecrî re dixaxive û derbarê mijarê de pirsan dike. Li gorî nûçeyê Mecrî ev agahî ne erê ne jî red kiriye û wiha gotiye: “Divê pêşî bal li ser aramî û yekîtiya Sûriyê be, ne li ser rolên takekesî.” Di nûçeyê de tê gotin ku El-Macri spasdariya xwe ji bo Trump û helwesta rêveberiya Amerîkayê ya li ser Sûriyê aniye ziman.
