Gel li gundê Sergewra ya Bismila Amedê agirê Newrozê geş kir û li dora agir govend gerand.
Îsal Newroz wê li 89 navendan bê pîrozkirin. Li seranserê cîhanê dê li hezaran bajar, navçe, bajarok, gund û taxan wê agirê Newrozê bê pêxistin.
Deklarasyona pîrozbahiyên Newrozê wê di 11ê Adarê de li Amed û Stenbolê bi hevdemî were ragihandin. Yekemîn agirê Newroza îsal dê di 12 ê Adarê de li navçeya Licê ya Amedê bê pêxistin. Ji ber ku cihê ku 26-27ê Mijdara 1978an avabûna PKKê lê hate ragihandin, Ev der navendeke girîng e. Beriya bi awayekî fermî Agirê Newrozê bê pêxistin, gundiyên gundê Sergewra ya navçeya Bismilê agir pêxistin û li dora agirê Newrozê govend gerandin.
