Danişîna 2emîn a lepirsîna fihuşê de şandeya dadgehê tevî delil û gotinên bêrsûc û maxduran jî daxwaza girtinê ya bersûcan ret kir. Piştî danişînê parlamentera DEM Partî ya Şirnexê Newroz Uysal Aslan û Berdevka Komîsyona Jin û Zarokan a DEM Partî Berîtan Guneş axivîn û gotin heta bersûc bên ceza kirin dê şopdarê doze bin.
Danişîna 2emîn a “lêpirsîna fihûşê” ya ku di sala 2013an de li Şirnexê li dijî 25 gumanbarên ku di nav wan de 3 çawîşê pispor û efserek jî heye li Dadgeha Cezayê Giran a 3yan a Şirnexê hat lidarxistin. Di îdianameya ji aliyê Serdozgeriya Komarê ya Şirnexê ve piştî 11 salan hatiyê amade kirin de 25 gumanbar, 4 jinên daxilî nava fihûşê hatine kirin hene. Aktivîstên Tevgera Jinên Azad (TJA), rêxistinên Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) ên Şirnexê, Komeleya Mafê Mirovan (ÎHD), Komeleya Hiqûqnasên Ji bo Azadiyê (OHD) ên Şaxên Amedê, Komîsyona Mafê Zarokan a Baroya Amedê, Berdevka Komîsyona Jin û Zarokan a DEM Partî Berîtan Guneş û parlamenterên DEM Partî yên Şirnexê Newroz Uysal Aslan, Mehmet Zekî Îrmez tevlî danişînê bûn.
Danişîn bi tespîtkirina nasnameyan destpêkir. Piştî tespîtkirina nasnameyan bersûc Onder Ateşoglu û Cigirê Mudirê Vakif Bank a Şirnexê Mehmet Kandemir ên di danişînê de amadebûn parastin kirin. Tevî di qeydên telefon de derketibû holê ku ew bi çeteya fihuşê ve ketine tekiliyê jî sûcên xwe qebûl nekirin. Bersûc Ferhat Ok li navçeya Gebzê ya Kocaeliyê bersûc Emrullah Baysal ku di suceke din de girtiyê jî li Girtîgeha Hejmar 1 a Osmaniyê li ser SEGBÎSê tevlî danişînê bûn. Wan jî sûc qebûl nekirin.
‘Kenan Tatar bi zorê fihuş li me da kirin’
Bersûc û maxdur Meral Teker jî li Bodrumê li ser SEGBÎSê tevlî danişînê bû. Meral Teker anî ziman ku Kenan Tatar bi zorê fihûş li wê da ye kirin û wiha got: “Çawişê Pîspor Huseyîn Şahîn ve jî tekiliya min çêbû. Ji ber ku tekiliya min bi Huseyîn Şahîn re hebû Kenan Tatar gef li Huseyîn Şahîn dixwar. Kenan Tatar digot ez ê wê biparêzim û pe ji li me digirt. Çend caran jî gefa kuştinê li me xwar. Kenan Tatar ji bo fihuşê xaniyek girtibû û di wî xaniyê de fihuş dida kirin. Çawişên Pîspur Ertaç Kaya û Mustafa Yalçin jî mişteriyên me bûn.”
Bersûc û maxdur Ayşe Yeren jî li Girtîgeha Jinan a Hendekê ku di sûceke din de girtiyê li ser SEGBÎSê tevlî danişînê bû. Ayşe Yeren jî diyar kir ku hevjînê wê Yunus Ertugrul bi zorê fihuş li wê da ye kirin û piştî hevjînê wê hatiyê girtin vê carê Kenan Tatar bi zorê fihuş li wê da ye kirin. Ayşe Yeren giliyê Kenan Tatar kir û xwest be cezakirin.
Xwestin bêrsûc bên cezakirin
Piştrê jî Komîsyona Mafê Zarokan a Baroya Amedê Metin Arkaş jî xwest weke baro tevlî dozê bibin û hemû bersûc bên girtin. Parêzer Berfîn Elçî jî li ser navê ÎHDê a Şaxa Amedê axivî û xwest ji bo pêşî li sûcên bi vî rengî bên girtin divê kujer bên ceza kirin û got: “Heke ew doz bê ceza bimînê wê rê li pêşya sûcên bi vî rengî veke. Daxwaza me ew e ku em jî tevlî dozê bibin û hemû bersûc bên girtin. Parêzerên OHDê a Şaxa Amedê û Wezareta Polîtikayên Malbat û Civakê jî xwestin tevlî dozê bibin û hemû bersûc bên ceza kirin.
Daxwaza girtinê hat red kirin
Piştî parastinan Şandeya Dadgehê navber da. Piştî navberê Şandeya Dadgehê biryara xwe aşkera kir. Şandeya Dadgehê daxwaza tevlîbûna dozê ya Wezareta Polîtikayên Malbat û Civakê qebûl kir û ya Komîsyona Mafê Zarokan a Baroya Amedê ÎHD û OHDê jî red kir. Şandeya Dadgehê daxwaza girtina bêrsûcan jî ret kir û danişîn taloqî 25ê Hazîranê kir.
Bertek nîşanî bê cezakirinê dan
Piştî danişînê li ber Edliyeya Şirnexê daxuyanî dan. Di daxuyaniyê de Parlamentera DEM Partiyê Şirnexê Newroz Uysal Aslan axivî. Newroz Uysal Aslan destnîşan kir ku heta bêrsûc bên cezakirin dê li pey dozê bin û ev tişt got: “Şerê taybet ku li ser erdnîgariya me tê meşandin û pirsnîşanên me di vê dadgehê de nehat zelal kirin. Kesên ku nêzî 3 sal an karê fihuşê li vir kirinê dewlet jî li dijî vî sucî bêdeng ma. Dewletê jî hevşîrikiya vî sûcî kiriyê û di şerê taybet de cih girtiye. Tevî giliyên jinên bi wan fihuş danê kirin jî kesên hatinê girtin herî zêde 8 meh di girtîgehê de ma ne. Îro jî di danişîna 2yemîn de bêrsûc nehatin girtin. Em li bende bûn ku bersûc ben ceza kirin. Tevî îtîrafan jî bêrsûc nehatin girtin. Gumana me ya bêceza kirinê hê zêdetir bû. Heta polîtikayên bê cezhiştinê bi dawî bibin û sûcdarên li ser erdnîgariya me bên cezakirin em ê şopdar bin. Wezareta ku mafê zarok û jinan biparêzê îro li vir bêdengî doz şopand. Heta şerê taybet rabe em ê şopdarên doze bin.”
Berdevka Komîsyona Jin û Zarokan a DEM Partî Berîtan Guneş Altın jî bertek nîşanî necezakirina bersûcan da û ev tişt anîn ziman: “Di nav vê dozê de zarok jî hene. Dewlet 11 sal e tu lêpirsîneke bi bandor nedaye destpêkirin. Daxwaza tevlîbûna dozê jî hat red kirin. Ew jî gunanên me yên dozê hê zêdetir dike. Gumana me ya bêcezakirinê hê zêde bû. Em ê li dijî van polîtikayan têkoşîna xwe bidomînin û dozê bişopînin. Em bang li gemû sazî û rêxistinan dikin ku di 25ê hezîranê de tevlî danişîna 3’emîn bibin.”
