Bi pêşengiya MEBYA-DERê bi gireseyî serdana şîna dayika Hevseroka MEBYA-DERa Êlihê Xanim Toprak hat kirin.
Bi pêşengiya Komeleya Piştevanî û Alîkariyê ya Malbatên di Dergûşa Şaristaniyê de Xizmên Xwe Winda Kirin re (MEBYA-DER) serdana şîna dayika Hevseroka MEBYA-DERa Êlihê li mala şînê ya Hasan a taxa Beşevlerê hat kirin. Di serdana şîna de ARÎ-DER, MEBYA-DER a Amedê, MEBYA-DER a Mêrdînê, DEM Partiyê ya Êlihê, DBP, TJA, endamên Komeleya Dayikên Aştiyê, endamên Komeleya 78an, TUAY-DER û gelek endamên saziyên civaka sivîl beşdarî sersaxiya şînê bûn.
Girseya ku hatibû li mala şînê kom bibû daxwaza hatina wan bi piranî dîtina Metîn Toprak ê ku 31 sal in di zindanê de tê girtin bû, lê Metîn Toprak neanîn şîna dayika wî Xanim Toprak. Malbatê ji îdareya girtîgehê dixwaz kiribû ku Metîn Toprak jî tev li şînê bibe. Lê îdareya girtîgehê got: “Ji ber ku me duh wî aniye ser goristanê em ê nikaribin îro wî bînin.”
