Wan – Medya nêzî desthilatdariyê îdiayek belav kir û ragihand ku Dadgeha Bilind biryar daye ku mafên memnû yê paşdedayînê ji bo Hevşaredar Abdullah Zeydan bêrêbazî ye. Biryar negihîştiye ber destê Zeydan.
Medya bi ser desthilatdariyê ve îdiayek nû belav kir. Medya navborî îdia kir ku Daîreya Cezayê 3yemîn a Dadgeha Bilind biryara dadgeha xwecihî ya ku mafên memnû yê Hevşaredarê Bajarê Mezin a Wanê Abdullah Zeydan beriya hilbijartinê bi paş ve dabû lêkolîn kiriye. Medya navborî vê nûçeyê wek nûçeya lezgîn amade kir û serwîs kir.
Hevşaredar Abdullah Zeydan û parêzerên wî ji Ajansa Mezopotamyayê re ragihandin ku biryar negihîştiye ber destên wan û wan jî nûçeya navborî di medya desthilatdariyê de dîtine.
Medya bi ser desthilatdariyê ve îdia kir ku Dadgeha Bilind, biryara ku 5emîn Dadgeha Cezayê Giran a Amedê daye ne bi rêbazî ye û her wiha biryara ku bi serlêdana Serdozgeriya Komarê ya Amedê ji holê hatiye rakirin ne bi rêbazî ye û Dadgeha Bilind her du biryaran jî xera kiriye.
