Welatiyê ku li ser pişta tableya xwe, bi qasî barê kamyonekê bîdon, meter û tenekeyên vala bar kiriye, balê dikişîne ser xwe.
Li ser kolana Gaziyê ya Peyasa Amedê, tableya ku li ser pişta wê, bi qasî barê kamyonekê bermahiyên ji bîdon, meter, şûşên pet û tenekeyên rûn ên vala barkirî pêk tê, bala derdorê dikişîne ser xwe. Ev tableya ku xwediyê wê ew li kêleka kolanê park kiriye, xuya ye ku ketiye pey hin bîdon û tenekyên din ên vala. Lê hewce nake ku mirov pirsan ji xwedîyê wê bike ku van bîdon û metereyên vala çima û ji bo çi kom dike. Ji barê pişta tableyê diyar dibe ku hemû bermahiyên plastîk û teneke ji ser çopan anku ji malan kom kiriye. Ev karkerê ku bi komkirina plastîkan debara xwe dike, li aliyekî xwezayê ji bermahiyên plastîk û teneke paqij dike, li aliyê din jî bi van bermahiyên ku wekî çop tên bikaranîn, debara xwe dike û nefesê dide xwezayê.
