Dadgehê li Hunermendê kurd Mazlûm Akpolat, ji ber stranên kurdî 22 meh û 15 roj cezayê girtîgehê lê birî. Piştî dadgehê ceza li Mazlum Akpolat birî, ew binçavkirin û piştre jî girtin û şandin girtîgehê.
Hunermendê kurd Mazlûm Akpolat (Mazlûm Jînda) di Hezîrana 2016an de ji bo strana xwe ya bi navê “Xewna sed sala” klîb çêkir. Piştî ku klîp hat weşandin, Serdozgeriya Komara Tirk ya Stenbolê bi îdiaya “propagandaya rêxistinê” der barê Akpolat de doz vekir. Di danişîna dozê ya li Dadgeha Cezayê Giran a 35an a Edliyeya Stenbolê pêk hat de, Akpolat, bi îdiaya “propagandaya rêxistinê” kiriye, 22 meh û 15 roj cezayê girtîgehê lê birîn. Akpolat ji ber ceza lê hat birîn li navçeya Beyoglû ya Stenbolê binçavkirin û piştî kar û barên li midûryeta polîsan hat girtin û ew şandin Girtîgeha Metrîsê.
Tê payîn ku Akpolat di 3yê Sibatê de bişîn Girtîgeha Silivrî ya Marmarayê.
