Li gor agahiyên Wezîrê Karên Derve yê Omanê parve kiriye dê roja Pêncşemê Dewletyên Yekbûyî yên Amerîkayê (DYA) û Îran li Cenevreyê hevdîtina sêyemîn ya nukleerê pêk bînin.
Wezîrê Karên Derve yê Omanê Bedr bîn Hamed el-Busaydî li ser hesabê xwe yê medya dîjîtal de diyar kir ku hevdîtinên sêyemîn yên têkildarî nukleerê yên di navbera Îran û DYAyê de dê 26ê Sibata 2026an de li bajarê Cenevre yê Swîsreyê pêk bê. Bedr bîn Hamed el-Busaydî bi hevdîtinên ne rasterast, navbeynkariya danûstandinan dike.
El-Busaydî di daxuyaniya xwe de diyar kir ku her du alî dikarin ber bi peymanekê ve gavên erênî biavêjin. Danûstandin dê li ser encama hefteya borî ya li Cenevreyê bidomin.
Ajansên Ewropî, hem daxuyaniya wezîrê Omanî û hem jî hêviya civîneke li Cenevreyê di navbera Wezîrê Derve yê Îranê Abbas Araghchi û Nûnerê Taybet ê Amerîkî Steve Witkoff de piştrast dikin. Tê ragihandin ku dîplomat dê di çarçoveya metna têkildarî bernameya nukleerî de bixebitin.
Asta dewlemendkirina uranyûmê, çawaniya veşartina uranyûma dewlemendkirî ya Îranê dê bibe mijara nîqaşê. Ji bo hevdîtina herçiqas li ser hin “prensîbên giştî” pêşketin hatibin ragihandin jî, ji bo encama dawî tu lihevkirin nehatin pakanîn.
Her du alî jî ji ji dîplomasiyê hevîdar in. Çavdêrên navneteweyî hişyarî didin ku eger danûstandin bi ser nekevin, dê alozî zêde bibin û dê di navbera aliyan de şereke encamên wê nediyar dê derkeve holê.
