Li Hesekê kargeha “Sarince” ya zeytê vekirin. Ev kargeh ji bo aboriya xwecihî ya Hesekê bû gaveke pir girîng.
Li Bakur û Rojhilatê Sûriyeyê piştî Şoreşa Rojava, sînor li ser wê hatin girtin û welatên cîran ambargo danîn ser Rojava. Lê tevî ambargoyan jî gel û Rêveberiya Xweser hewl dide bi derfetên xwe çavkaniyên aboriyê ava bike. Di vê çarçoveyê de, kargeha “Sarince” ya zeyta zeytûnan li gundewarê bajarê Hesekê vekirin. Ev kargeh li Hesekê bû kargeha yekemîn a zeytê. Wê kargeh berhema xwecihî geş bike û pêdiviyên şêniyan bi bihayeke guncaw dabîn bike.
Xwediyê kargeha “Sarince” Cemşîd Deqorî têkildarî kargehê ji ANHAyê re axivî û diyar kir ku armanc ji vekirina kargehê ew e ku barê xelkê bajêr û gundewarê wî sivik bikin, ji ber ku wan berê xwe dida herêmên din ku zeytê xwe derxin. Ji wê zêdetir ew teşwîqî çandina darên zeytûnê dibin.”
Cemşîd Deqorî diyar kir ku vekirina kargehê derfetên kar ji şêniyên herêmê re dabîn dike û wiha domand: “Karkerên di kargehê de ji şêniyên herêmê ne û zêdetirî 25 kes dixebitin. Lê di sala destpêkê de zêdetirî 6 hezar malbatan sûd ji kargehê wergirt.”
Berhema rojane ya kargehê 70 ton e, lê ji ber kêmbûna mewsima herêmê, berhema rojane digihîne nêzî 20 tonan.
Deqorî diyar kir ku ev berhema heyî wê pêdiviyên şêniyan ên zeytê bi bihayekî guncaw dabîn bike.
Di dawiyê de Cemşîd Deqorî anî ziman ku li gorî krîza aborî ya heye, kiriya toneke zeytûn 65 dolar e.
Ji bo aboriya xwecihî ya Hesekê vekirina kargeha “Sarince” gaveke pir girîng e.
