Malbatan ji bo rojnameger Cîhan Bîlgîn û Nazim Daştan ku di êrîşa SÎHA ya Tirkiyeyê de hatin kuştin, mewlûd dan.
Rojnameger Cîhan Bîlgîn û Nazim Daştan dema li Bakur û Rojhilatê Sûriyeyê êrişên Dewleta Tirk û koma wê ya paramîlîter SMOyê dişopandin, di encama êrişa bi SÎHAyê de hatin kuştin. Malbatên rojnameger Cîhan Bîlgîn û Nazim Daştan li navçeya Giyadîn a Agiriyê mewlûd da. Rêveberên Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) yên bajêr, Hevşaredarê Giyadînê Adnan Dogan, xebatkarên Çapemeniya Azad û gelek kes beşdarî mewlûdê bûn. Mewûd bi kurdî hate xwendin û piştre ji bo rojnamegeran dua hatin kirin. Piştre jî di mewlûdê de xwarin hate dayin.
