Komên paralîmîter ên girêdayî Dewleta Tirk li bajarê Şera yê Efrînê darên daristanan û zêdetirî 50 darên zeytûnan birîn.
Rêxistina Mafên Mirovan a Efrînê têkildarî birîna daran agahî parve kir. Rêxistina Mafên Mirovan ragihand ku komên paramîlîter ên girêdayî dewleta Tirk zêdetirî 50 darên zeytûnan li zeviya ku dikeve navbera gundên Qurtequlaq û Qestal Kişkê yên bajarê Şera, birîn. Li gorî Rêxistina Mafên Mirovan a Efrîn-Sûriyeyê, darên hatine birîn ên şêniyê bi navê Fewzî Şêx Nasan ê ji gundê Qestal Kişkê ne. Di hefteya borî de, niştecihan darên daristanê yên di navbera gundên Qestal Cindo û Qitmê de birîn û birin bajarê Ezazê yê dagirkirî.
