Fermandarê Giştî yê HSDê Mazlûm Ebdî, Hevseroka Daîreya Têkiliyên Derve ya Rêveberiya Xweser Îlham Ehmed û Wezîrê Karên Derve yê Fransayê Jean-Noël Barrot civiyan.
Li gorî nûçeya ANHAyê; Fermandarê Giştî yê HSDê Mazlûm Ebdî, Hevseroka Daîreya Têkiliyên Derve ya Rêveberiya Xweseriya Demokratîk a Herêma Bakur û Rojhilatê Sûriyeyê Îlham Ehmed û Wezîrê Karên Derve yê Fransayê Jean-Noël Barrot li Hewlêrê hevdîtin pêk anîn.
Di hevdîtinê de rêbazên piştevaniya çareseriya siyasî û ewlehî li herêmê, pêşxistina diyalogan di navbera aliyên Sûriyeyê de, her wiha rola Fransayê di piştgiriya hewldanên çareseriya siyasî de hatin nîqaşkirin.
Frasayê beriya niha piştgiriya xwe bi peymana di navbera HSD û desthilata Şamê de anîbû ziman wekî gaveke ber bi çareseriya siyasî ve ku yekitiya Sûriyeyê û mafên tevahî pêkhateyên wê mîsoger dike, nirxandibû.
